اس سے پہلے کہ دیر ہو جائے نیتن یاہو کو لگام دینا ضروری ہے:وینزویلا کے صدر 

سچ خبریں:وینزویلا کے صدر نکولاس مادورو نے صیہونی  وزیراعظم بنیامین نیتن یاہو کی پالیسیوں کو انسانیت کے لیے خطرہ قرار دیتے ہوئے عالمی برادری پر زور دیا ہے کہ نیتن یاہو روکا جائے قبل اس کے کہ بہت دیر ہو جائے۔

المیادین نیوز چینل کی رپورٹ کے مطابق وینزویلا کے صدر نکولاس مادورو نے  اپنے حالیہ خطاب میں واضح طور پر کہا کہ میں نہیں مانتا کہ انسانیت ایک ایٹمی جنگ کی حمایت کرے گی، ہمیں نتین یاہو کو روکنا ہوگا اس سے پہلے کہ حالات مکمل طور پر قابو سے باہر ہو جائیں۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

مادورو نے اسرائیل کی پالیسیوں کو شدید تنقید کا نشانہ بناتے ہوئے کہا کہ ایران نے کبھی کسی ملک پر جارحیت نہیں کی، یہ اسرائیل ہے جو مسلسل خطے کے ممالک پر حملے کر رہا ہے، ہم لبنان، فلسطین، شام، یمن اور ایران کے عوام کی بھرپور حمایت کرتے ہیں،وینزویلا کے صدر نے اسرائیلی مظالم پر بین الاقوامی اداروں اور حکومتوں کی خاموشی کو ناقابلِ قبول اور شرمناک قرار دیا۔

مزید پڑھیں:اسرائیلی حملے کی مذمت کرنے والے ممالک 

مادورو کے یہ بیانات ایسے وقت میں سامنے آئے ہیں جب مشرق وسطیٰ میں اسرائیلی حملوں کے خلاف ردعمل بڑھتا جا رہا ہے اور کئی عالمی رہنما اسرائیل کی بڑھتی ہوئی عسکری کارروائیوں پر تشویش کا اظہار کر رہے ہیں۔