چین کا اپنے شہریوں کو فوری طور پر اسرائیل چھوڑنے کا حکم

سچ خبریں:ایران کی جانب سے مقبوضہ علاقوں خصوصاً تل ابیب اور دیگر صہیونی شہروں پر میزائل حملوں کی نئی لہر کے بعد چین نے اپنے شہریوں کو فوری طور پر اسرائیل چھوڑنے کی ہدایت جاری کر دی ہے۔

الجزیرہ نیوز چینل کی رپورٹ کے مطابق، صیہونی ذرائع نے تصدیق کی ہے کہ تل ابیب، اسدود، اور عسقلان میں میزائل حملوں کے بعد خطرے کے سائرن بجنے لگے، اور لوگوں میں شدید خوف و ہراس پھیل گیا۔

یہ بھی پڑھیں:ایران کے خلاف صیہونی جارحیت پر چین کا ردعمل

 صیہونی میڈیا کے مطابق، ایک میزائل تل ابیب کے وسطی علاقے میں گرا ہے، جس کی ابتدائی اطلاعات موصول ہو چکی ہیں،صیہونی اخبار نے رپورٹ دی ہے کہ تل ابیب اور مرکزی اسرائیل میں کئی دھماکوں کی آوازیں سنی گئی ہیں۔

 اہم بات یہ ہے کہ شہریوں کی ایک بڑی تعداد کو میزائل داغے جانے سے قبل کوئی وارننگ نہیں ملی، جو اسرائیل کے دفاعی نظام کی ناکامی کی طرف اشارہ ہے۔

مزید پڑھیں: ایران کے خلاف اسرائیلی حملہ؛ پیشگوئیاں اور ایران کا ممکنہ ردعمل

اس سنگین صورتحال کے پیشِ نظر، اسرائیل میں قائم چینی سفارتخانے نے اپنے شہریوں کو سخت و فوری انتباہ جاری کرتے ہوئے کہا ہے کہ ہر ممکن حد تک جلدی اسرائیل کو زمینی سرحد کے ذریعے چھوڑ دیں!یہ اقدام اس بات کی عکاسی کرتا ہے کہ ایران کے میزائل حملے صہیونی دفاعی نظام کو بری طرح متاثر کر چکے ہیں، اور حالات مزید کشیدہ ہو سکتے ہیں۔