ایران کے خلاف صیہونی جارحیت پر چین کا ردعمل

سچ خبریں:چین نے ایران کے خلاف صہیونی ریاست کی جارحیت اور اشتعال انگیزی پر سخت ردعمل دیتے ہوئے اسے خطے کے امن و استحکام کے لیے خطرناک قرار دیا ہے۔

الجزیرہ نیوز چینل کی رپورٹ کے مطابق، چین کی وزارت خارجہ نے ایک باضابطہ بیان میں کہا ہے کہ ایسے تمام ممالک جن کا اسرائیل پر اثر و رسوخ ہے، انہیں فوری طور پر کشیدگی کے خاتمے کے لیے عملی اقدامات کرنا ہوں گے، مشرق وسطیٰ میں بگڑتی ہوئی صورت حال کسی بھی فریق کے مفاد میں نہیں۔

یہ بھی پڑھیں:مصری تجزیہ کار: عرب دنیا کو ایران/اسرائیل کے ساتھ کھڑا ہونا چاہیے ایک بدمعاش اور مجرم ہے

چینی وزارت خارجہ نے مزید کہا کہ دھمکیوں اور دباؤ سے صورتحال کو پُرامن نہیں بنایا جا سکتا، بلکہ اس سے تنازع مزید پھیلنے کا خطرہ پیدا ہوتا ہے۔

چینی وزارت خارجہ کے ترجمان نے ہفتہ وار پریس کانفرنس کے دوران  کہا کہ ہم ایران کی خودمختاری، سلامتی اور علاقائی سالمیت کی خلاف ورزی، اور ایسے تمام اقدامات کے خلاف ہیں جو خطے میں کشیدگی میں اضافہ اور محاذ آرائی کا باعث بنیں۔

مزید پڑھیں:اسرائیلی صحافی: نیتن یاہو اسرائیل کے لیے اتنا ہی خطرناک ہے جتنا حزب اللہ اور ایران کے لیے

بیان میں مزید کہا گیا ہے کہ ہم ایران اور اسرائیل میں موجود اپنے سفارت خانوں اور قونصل خانوں کے ذریعے مسلسل رابطے میں ہیں تاکہ اپنے شہریوں کے فوری انخلاء کا بندوبست کیا جا سکے،واضح رہے کہ اسرائیلی حکومت نے جمعہ کے روز ایران کے خلاف اپنے حملے کے بعد، ملک کے تمام ہوائی اڈے بند کر دیے تھے،اسی تناظر میں، آج صبح چینی سفارتخانے نے اپنے شہریوں کو سکیورٹی کی بگڑتی ہوئی صورتحال کے حوالے سے خبردار بھی کیا ہے۔