ایرانی میزائلوں کا کاری وار؛ صہیونی انٹیلیجنس ہیڈکوارٹر کی عمارت راکھ کا ڈھیر

سچ خبریں:ایران کے میزائل حملے کے نتیجے میں صیہونی فوجی انٹیلیجنس ڈویژن امان(Aman) کی ایک اہم عمارت کو شدید نقصان پہنچا ہے، اور وہ آگ کی لپیٹ میں آ کر تباہ ہو گئی۔

شہاب نیوز ایجنسی کی رپورٹ کے مطابق، صہیونی ذرائع ابلاغ نے اعتراف کیا ہے کہ مقبوضہ فلسطین کے علاقے گلیلوت میں واقع اسرائیلی فوجی انٹیلیجنس ادارے امان سے وابستہ ایک عمارت ایرانی میزائلوں کے حملے کے بعد شعلوں کی نذر ہو گئی۔

یہ بھی پڑھیں: صیہونی ریاست کا محورِ مقاومت کے خلاف نیا اور خطرناک ہتھیار

رپورٹ کے مطابق یہ آگ ایرانی میزائلوں کے براہ راست اصابت کے نتیجے میں لگی ہے،تاہم، اسرائیلی ذرائع ابلاغ پر سخت سنسر شپ کی وجہ سے اس واقعے کی مزید تفصیلات کو عام ہونے سے روکا جا رہا ہے۔

قابل ذکر ہے کہ اسرائیلی انٹیلیجنس ادارہ امان تین اہم جاسوسی شاخوں یعنی 8200، 9900 اور 504 پر کنٹرول رکھتا ہے، جو الیکٹرانک انٹیلیجنس، جغرافیائی و سٹلائٹ نگرانی، اور انسانی انٹیلیجنس پر مشتمل ہیں۔

مزید پڑھیں: ایران کے خلاف اسرائیلی حملہ؛ پیشگوئیاں اور ایران کا ممکنہ ردعمل

یہ حملہ اسرائیلی سکیورٹی نظام کے لیے ایک کاری ضرب کے طور پر دیکھا جا رہا ہے، اور خطے میں طاقت کے توازن پر گہرے اثرات ڈال سکتا ہے۔