ایران ، اسرائیل ، جنگ

صیہونی حکومت کا نئی پناہ گاہوں کی تعمیر کا فیصلہ

21
جون

?️ 21 جون 2025

سچ خبریں: اسرائیلی کابینہ نے وزارت دفاع اور ہوم فرنٹ کمانڈ کے مشترکہ پیش کردہ منصوبے کو منظوری دے دی ہے، جس کے تحت مقبوضہ فلسطین بھر میں 500 عوامی پناہ گاہوں کی بحالی اور 1,000 موبائل روڈسائیڈ پناہ گاہوں کے قیام پر 100 ملین شیکیل (NIS) کی خطیر رقم خرچ کی جائے گی۔

صیہونی حکومت کے وزارت دفاع نے ایک بیان جاری کرتے ہوئے کہا کہ موجودہ سلامتی صورتحال کو مدنظر رکھتے ہوئے، حکومت نے ٹیلی فونک ووٹنگ کے ذریعے ہوم فرنٹ ڈیفنس کو مضبوط بنانے کی اس اسکیم کو فوری طور پر منظور کر لیا ہے۔

اس منصوبے کے مطابق، 500 عوامی پناہ گاہیں، جو بنیادی طور پر اسرائیل کے مرکزی علاقوں میں واقع ہیں اور گزشتہ ہفتے ایران کے متعدد میزائل حملوں کا نشانہ بنی تھیں، دوبارہ تعمیر کی جائیں گی۔ اس کے علاوہ، مقبوضہ فلسطین کے "حساس علاقوں” میں 1,000 موبائل پناہ گاہیں نصب کی جائیں گی۔

مقبوضہ علاقوں میں پناہ گاہوں کا بحران اس حد تک پہنچ چکا ہے کہ آج شام ایک صیہونی بستی نشین کی ویڈیو وائرل ہوئی، جس میں وہ "وعدہ صادق (3)” میزائل حملے کے سترہویں مرحلے کے دوران ایک دوسرے بستی نشین کو زیرزمین پناہ گاہ میں داخل ہونے سے روکتا دکھائی دے رہا تھا۔ یہ واقعہ مقبوضہ علاقوں کے اندرونی معاملات میں اہم ترین موضوع بحث بن گیا ہے۔

Short Link

Copied