ایران کے خلاف ٹرمپ اور نیتن یاہو کی کہانی

سچ خبریں: واللا نیوز نے اپنی سرخی میں دعویٰ کیا ہے کہ ڈونلڈ ٹرمپ نے آج صبح بنجمن نیتن یاہو  کے ساتھ ہونے والی فون کال میں سخت لہجے میں انہیں (جارحیت) جاری رکھنے سے منع کیا۔

عبرانی میڈیا کے اس ادارے نے، جس کی رپورٹنگ کا مقصد صہیونی ریاست کو کم از کم داخلی سطح پر طاقتور ظاہر کرنا ہے، اسرائیلی ذرائع کے حوالے سے بتایا کہ امریکی صدر ڈونلڈ ٹرمپ کی سخت گفتگو نے نیتن یاہو  کو ایران کے خلاف منگل کی صبح شدید ردعمل سے روک دیا۔

یہ خبر اس وقت سامنے آئی ہے جب کچھ صارفین نے تبصروں میں ڈونلڈ ٹرمپ کو اسرائیل کا "حقیقی وزیراعظم” قرار دے دیا۔ ایک صارف نے لکھا کہ بی بی نے ثابت کر دیا ہے کہ وہ طاقتور کے سامنے گھٹنے ٹیک دیتا ہے۔

واللا نیوز کے ایک اور قاری نے سوال اٹھایا کہ آپ اس جنگ میں کسی کامیابی کی بات کر رہے ہیں؟ یورینیم ختم نہیں ہوا، بیلسٹک میزائل پہلے کی طرح داغے جا رہے ہیں، سپاہ پاسداران مضبوطی سے سرگرم ہے—ہم آخر کہاں پہنچے؟

"فرشتہ آسمان” نامی صارف نے لکھا کہ ایک بات طے ہے کہ اگلی جنگ، جو 2 یا 5 سال بعد ہوگی، میں ایران ہمارے جنگی جہازوں کا مختلف انداز میں استقبال کرے گا۔ وہ بیوقوف نہیں ہیں۔ انہوں نے ثابت کر دیا ہے کہ وہ اس عرصے میں کم از کم اسرائیل سے پانچ گنا زیادہ فضائی طاقت بنا سکتے ہیں۔ 90 ملین آبادی اور تیل کے وسیع ذخائر والا ملک یقیناً زیادہ طاقتور دفاعی نظام تیار کرے گا، اور اسرائیل اپنے آسمان پر سینکڑوں ڈرونز اڑتا ہوا دیکھے گا۔

واضح رہے کہ ڈونلڈ ٹرمپ نے ایک ٹویٹ میں، جسے عبرانی میڈیا نے بھی شائع کیا، اعتراف کیا کہ اسرائیل جنگ ختم کرنے کے لیے بے چین تھا اور چاہتا تھا کہ جنگ برابر کے معاملے پر ختم ہو۔