کیا سنی اتحاد کونسل کا جمعیت علماء اسلام کے ساتھ اتحاد ہو جائے گا؟

🗓️ 29 جون 2024

سچ خبریں: سنی اتحاد کونسل کے سربراہ حامد رضا نے جمعیت علماء اسلام کے سربراہ مولانا فضل الرحمان کے ساتھ اتحاد کی مخالفت کی ہے۔

جیو نیوز سے گفتگو کرتے ہوئے حامد رضا نے کہا کہ عمر ایوب نے ذاتی معاملات کے حل کے لیے پارٹی عہدے سے استعفیٰ دیا ہے۔ پی ٹی آئی جو کچھ بھی کر رہی ہے، وہ بانی کی ہدایات کے مطابق کر رہی ہے۔

یہ بھی پڑھیں: سپریم کورٹ: سنی اتحاد کونسل کی مخصوص نشستوں کی درخواست پر فل کورٹ تشکیل

انہوں نے حکومت کو وقت دینے کی تجویز دی اور کہا کہ اگر اس وقت تک بانی کو رہا نہیں کیا جاتا تو ہمیں مستعفی ہو جانا چاہیے۔ اصولی طور پر مخصوص نشستیں سنی اتحاد کونسل کو ملنی چاہئیں، اگر ہمیں مخصوص نشستیں نہیں دی جاتیں تو پھر ہماری جانب سے بھارتیہ جنتا پارٹی (بی جے پی) کو دے دیں۔

حامد رضا نے کہا کہ شیر افضل مروت کو میڈیا پر شبلی فراز سے استعفے کا مطالبہ نہیں کرنا چاہیے تھا۔ اگر شیر افضل مروت کو کوئی تحفظات تھے تو پارٹی کے اندر بات کرنی چاہیے تھی۔

مزید پڑھیں: عوام نے سنی اتحاد کونسل نہیں پی ٹی آئی کو ووٹ دیا، جسٹس جمال مندوخیل

صاحبزادہ حامد رضا نے مزید کہا کہ بانی پی ٹی آئی کو ہفتہ وار بریفنگ دی جاتی ہے اور ان سے ہدایات لی جاتی ہیں۔ اگر لوگ چاہتے ہیں کہ ہم بندوقیں ہاتھ میں پکڑ کر نکلیں تو یہ ممکن نہیں ہے۔ تشدد کی طرف جانا ہماری پالیسی نہیں ہے۔