بھارت پاکستان کشیدگی کم کرنے میں کیا رکاوٹ ہے؟خواجہ آصف کی زبانی

🗓️ 9 مئی 2025

سچ خبریں:وزیر دفاع پاکستان خواجہ محمد آصف نے امریکہ پر الزام عائد کیا ہے کہ وہ خلیجی ممالک کی ثالثی کی کوششوں کے باوجود بھارت اور پاکستان کے درمیان کشیدگی کم ہونے نہیں دے رہا؛ اسلام آباد نے خبردار کیا ہے کہ بھارتی ردعمل کی صورت میں عسکری اہداف کو نشانہ بنایا جائے گا۔

پاکستان کے وزیر دفاع خواجہ محمد آصف نے الزام عائد کیا ہے کہ امریکہ جان بوجھ کر بھارت اور پاکستان کے درمیان تناؤ میں کمی کی کوششوں کو ناکام بنا رہا ہے۔

یہ بھی پڑھیں:قومی سلامتی کمیٹی نے پاکستان کی مسلح افواج کو جوابی کارروائی کی اجازت دے دی

المیادین نیوز چینل کی رپورٹ کے مطابق، خواجہ آصف نے خبر رساں ادارے رائٹرز کو دیے گئے انٹرویو میں کہا کہ ہندوستانی ڈرون حملوں سے پاکستان کی کسی فوجی تنصیب کو نقصان نہیں پہنچا، اور اگر بھارت کی جانب سے کوئی انتقامی کارروائی ہوئی تو اسلام آباد بھرپور فوجی جواب دے گا۔

انہوں نے کہا کہ اسلام آباد، بھارت کی عسکری تنصیبات کو براہِ راست نشانہ بنائے گا اگر نئی دہلی نے کوئی جارحانہ اقدام کیا۔

خواجہ آصف نے انکشاف کیا کہ خلیج کے چند ممالک نے حالیہ بحران میں ثالثی کی کوشش کی تھی، لیکن امریکہ ان کوششوں کو کامیاب ہونے سے روک رہا ہے

پاکستانی وزیر اطلاعات نے بھی دعویٰ کیا کہ پاکستانی افواج نے 40 سے 50 بھارتی فوجیوں کو سرحدی جھڑپ میں ہلاک کیا اور بھارتی فوجی تنصیبات کو نشانہ بنایا گیا

دوسری جانب، بھارت کی وزارت دفاع نے بیان جاری کیا ہے کہ ہندوستانی افواج نے لاہور سمیت کئی مقامات پر پاکستانی فضائی دفاعی نظام اور ریڈارز کو نشانہ بنایا اور تباہ کیا۔

یہ بیانات ظاہر کرتے ہیں کہ جنوبی ایشیا میں جاری کشیدگی نہ صرف بڑھ چکی ہے بلکہ خطرناک عسکری تصادم میں بدلنے کے دہانے پر ہے۔

مزید پڑھیں:پاکستان پر بھارتی میزائل حملے مودی حکومت کے ہندو توا ایجنڈے کا تسلسل ، حریت کانفرنس

خواجہ آصف, وزیر دفاع پاکستان, پاکستان بھارت کشیدگی, امریکی مداخلت, خلیجی ثالثی, بھارت پاکستان جنگ, ڈرون حملے, لاهور, پدافند هوایی, اسلام آباد, بھارت فوجی تنصیبات, پاکستان ردعمل