سچ خبریں: جماعت اسلامی کے نائب امیر لیاقت بلوچ نے کہا ہے کہ عوام کو ریلیف نہ دینے سے حکومت ملک کو افراتفری کا شکار کر رہی ہے نیز مذاکرات کے بعد فرار کا راستہ اختیار کر رہی ہے۔
ایک بیان میں لیاقت بلوچ نے کہا کہ مسلم لیگ ن، پی پی پی، اور ایم کیو ایم عوام کے سامنے نہیں ٹھہر سکیں گی۔
انہوں نے مزید کہا کہ عوام کو ریلیف نہ دینے سے حکومت ملک کو افراتفری کا شکار کر رہی ہے۔
یہ بھی پڑھیں: جماعت اسلامی کا حکومت پر ڈبل کھیل کھیلنے کا الزام
لیاقت بلوچ کا کہنا ہے کہ سی پیک پاک چین دوستی کا ثمر ہے اور جماعت اسلامی اس کی حامی ہے۔ حکومت کو سی پیک پر سیاست بند کرنی چاہیے۔
نائب امیر جماعت اسلامی نے کہا کہ ہمارا دھرنا جاری ہے اور حکومت کی صفوں میں ہلچل مچ چکی ہے۔
انہوں نے کہا کہ لاہور میں بھی کارکنان گورنر ہاؤس اور وزیر اعلیٰ ہاؤس کے سامنے دھرنا دیں گے، ہماری منزل لیاقت باغ نہیں ہے اور نہ ہم یہاں بیٹھنے آئے ہیں۔
انہوں نے مزید کہا کہ حکومت کو موقع دے رہے ہیں، ورنہ ہمیں اپنی منزل کا پتہ ہے۔
مزید پڑھیں: امیر جماعت اسلامی کا حکومت کو انتباہ
نائب امیر جماعت اسلامی نے کہا کہ حکمران ملک کو فساد اور انارکی کی طرف لے جانا چاہتے ہیں۔ حکومت کو بار بار سمجھا رہے ہیں کہ عوام کو ریلیف دیں۔
