کیا بانی پی ٹی آئی مذاکرات کے لیے تیار ہیں؟ پی ٹی آئی کے وکیل کی زبانی

🗓️ 6 جولائی 2024

سچ خبریں: پاکستان تحریک انصاف (پی ٹی آئی) کے بانی چیئرمین عمران خان کے وکیل انتظار پنجوتھا نے کہا ہے کہ عمران خان نے واضح کر دیا ہے کہ مذاکرات کے لیے ہمارے دروازے کھلے ہیں۔

جیو نیوز کے پروگرام "نیا پاکستان” میں گفتگو کرتے ہوئے انتظار پنجوتھا نے کہا کہ عمران خان کا کہنا تھا کہ اب تک کوئی بامعنی بات چیت نہیں ہوئی ہے۔

یہ بھی پڑھیں: کیا حکومت اور پی ٹی آئی میں مذاکرات ہو سکتے ہیں؟

انہوں نے مزید کہا کہ بانی چیئرمین نے سوال اٹھایا کہ فارم 47 کی حکومت سے کیا بات کریں؟ یہ اپنی حکومت خود ہی گرا دیں گے۔

وکیل نے یہ بھی بتایا کہ عمران خان نے شکایت کی کہ جیل میں انہیں وہ سہولیات نہیں مل رہیں جو نواز شریف اور آصف علی زرداری کو ملی تھیں۔

انتظار پنجوتھا نے کہا کہ عمران خان نے کہا ہے کہ دہشت گردی کا مسئلہ قومی ہے اور ہماری پارٹی آل پارٹیز کانفرنس (اے پی سی) میں شرکت کرے گی۔

مزید پڑھیں: فواد چوہدری کا پی ٹی آئی اور اسٹیبلشمنٹ کے مذاکرات پر حیرانی کا اظہار

انہوں نے مزید کہا کہ بانی پی ٹی آئی نے ہمیشہ پرامن احتجاج کی بات کی ہے۔