کیا فلسطین اکیلا ہے؟ حافظ نعیم الرحمٰن کا بیان

1 اگست 2024

سچ خبریں: جماعت اسلامی کے امیر حافظ نعیم الرحمٰن نے کہا ہے کہ اسلامی ملکوں میں غصہ بڑھ رہا ہے اور پوری دنیا فلسطینیوں کے ساتھ ہے، ہم حکومت سے مطالبہ کرتے ہیں کہ وہ اپنا کردار ادا کرے۔

راولپنڈی میں دھرنے کے شرکاء سے خطاب کرتے ہوئے حافظ نعیم الرحمٰن نے کہا کہ اسرائیل حماس اور القسام بریگیڈ سے شکست کھا چکا ہے اور اب معصوم لوگوں سے بدلہ لے رہا ہے۔

یہ بھی پڑھیں: ہم فلسطینیوں کے ساتھ ہیں: اردن

انہوں نے کہا کہ امریکا اسرائیل کو ہر قسم کی حمایت فراہم کرتا ہے اور اسے مغربی ممالک کی سرپرستی حاصل ہے، اسرائیل کی دہشت گردی کو امریکا کی پشت پناہی حاصل ہے۔

حافظ نعیم الرحمٰن کا کہنا تھا کہ اسماعیل ہنیہ کی شہادت اس تحریک کو مزید آگے بڑھائے گی، اور ان کی غائبانہ نماز جنازہ بھی ادا کی جائے گی۔

انہوں نے مزید کہا کہ اگر اسرائیل کا ہاتھ نہ روکا گیا تو یہ سب کی گردنوں پر آئے گا۔

امیر جماعت اسلامی نے کہا کہ ہمارے مطالبات اپنی جگہ برقرار ہیں اور احتجاج بھی جاری رہے گا۔

مزید پڑھیں: ہم فلسطینی عوام کے ساتھ ہیں:خلیج فارس

انہوں نے کہا کہ جب تک ہمارے مطالبات پورے نہیں ہوتے ہم یہاں بیٹھے رہیں گے، یہ کسی پارٹی کا مسئلہ نہیں، بلکہ پوری عوام کا مسئلہ ہے۔