عالمی بینک سے پاکستان کو کتنی رقم ملنے والی ہے؟

سچ خبریں: عالمی بینک کی پاکستان کے لیے 53 کروڑ 50 لاکھ ڈالرز فنانسنگ کی منظوری دے دی ہے

عالمی بینک نے پاکستان کے لیے 53 کروڑ 50 لاکھ ڈالرز کی فنانسنگ کی منظوری دے دی ہے جو موسمیاتی تبدیلیوں کے نقصانات کم کرنے اور سندھ میں لائیو اسٹاک کے شعبے میں بہتری کے لیے استعمال ہوگی۔

یہ بھی پڑھیں: پاکستان میں غذائی عدم تحفظ میں اضافہ، تعلیم و صحت کی خدمات تک فراہمی میں کمی ہوئی، عالمی بینک

میڈیا کے مطابق، عالمی بینک کی جانب سے جاری کردہ اعلامیہ میں بتایا گیا ہے کہ پاکستان کو دو منصوبوں کے لیے فنانسنگ فراہم کی جائے گی۔

پہلے پروجیکٹ کی تفصیلات

پہلے پروجیکٹ کے تحت 40 کروڑ ڈالر فراہم کیے جائیں گے، جو پاکستان میں موسمیاتی تبدیلیوں کے نقصانات کم کرنے پر خرچ ہوں گے۔ اس سے زرعی شعبے کی پیداوار میں بہتری آئے گی اور اسے موسمیاتی تبدیلیوں کے اثرات سے محفوظ بنایا جائے گا۔

مزید پڑھیں: سندھ حکومت کا عالمی بینک کے اشتراک سے عوام کو 7 ہزار میں سولر سسٹم فراہم کرنے کا فیصلہ

دوسرے پروجیکٹ کی تفصیلات

اعلامیہ کے مطابق، دوسرے پروجیکٹ کے تحت 13 کروڑ 50 لاکھ ڈالر فراہم کیے جائیں گے۔ اس کا مقصد سندھ میں لائیو اسٹاک کے شعبے کی بہتری ہے اور اسے موسمیاتی تبدیلیوں کے اثرات سے محفوظ بنانا ہے۔