الیکشن کمیشن کا پی ٹی آئی کے حق میں ایک اور فیصلہ

سچ خبریں: الیکشن کمیشن آف پاکستان نے تین صوبائی اسمبلیوں کے 93 ممبران کو پاکستان تحریک انصاف کے اراکین کے طور پر تسلیم کر لیا ہے۔

الیکشن کمیشن نے پنجاب سے پی ٹی آئی کے 29، خیبر پختونخوا سے 58، اور سندھ سے 6 ارکان صوبائی اسمبلی کا نوٹیفکیشن جاری کیا ہے۔

یہ بھی پڑھیں: پی ٹی آئی پر پابندی کے اغراض و مقاصد

الیکشن کمیشن نے مجموعی طور پر پنجاب، خیبر پختونخوا، اور سندھ اسمبلی کے 93 اراکین کو پی ٹی آئی کے رکن تسلیم کر لیا ہے۔

اس سے قبل، الیکشن کمیشن نے پاکستان تحریک انصاف کے 39 ارکان قومی اسمبلی کا نوٹیفکیشن جاری کیا تھا۔

مزید پڑھیں: الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم کرلی

یاد رہے کہ 12 جولائی کو سپریم کورٹ نے سنی اتحاد کونسل کی مخصوص نشستوں سے متعلق درخواست پر محفوظ فیصلہ سناتے ہوئے الیکشن کمیشن اور پشاور ہائی کورٹ کے فیصلے کو کالعدم قرار دیتے ہوئے مخصوص نشستیں تحریک انصاف کو دینے کا حکم دیا تھا۔