اعتماد کھونے کے بعد دوبارہ اعتماد کا ووٹ لینا ڈرامہ ہے،مولانا فضل الرحمان

🗓️ 5 مارچ 2021

اسلام آباد {سچ خبریں} اپوزیشن کی وزیراعظم کے اعتماد کے ووٹ کے عمل کا حصہ نہ بننے کی تجویز پر مشاورت کی گئی
تجویز مولانا فضل الرحمان کی جانب سے دی گئی۔

ذرائع کے مطابق مولانا فضل الرحمان کی تجویز سے پیپلز پارٹی اور ن لیگ کے رہنماؤں کی اکثریت نے اتفاق کیا۔ کچھ اپوزیشن جماعتوں نے تجویز دی کہ ایوان میں کل جایا جائے مگر بھرپور احتجاج اور شور شرابہ کرکے واک آؤٹ کیاجائے۔

مولانا نے آصف زرداری اور نواز شریف کے سامنے بھی تجویز پیش کردی۔

مولانا فضل الرحمان نے تجویز میں کہا کہ وزیراعظم اعتماد کا ووٹ لیتے ہیں تو لینے دیں ہمیں اس کا حصہ نہیں بننا چاہیئے وزیراعظم اپنے ممبران کا اعتماد کھوچکے ہیں اب اکثریت خود ثابت کریں اپوزیشن بائیکاٹ کرے گی تو امکان ہے کہ پی ٹی آئی کے بھی کچھ ارکان ووٹنگ کے عمل کا حصہ نہیں بنیں گے۔

مولانا نے کہا کہ ایک دفعہ جب وزیراعظم اعتماد کھوچکے تو اب دوبارہ اعتماد کا ووٹ لینا  صرف ڈرامہ ہی ہے۔