لاہور(سچ خبریں) پنجاب کی وزیر صحت ڈاکٹر یاسمین راشد نے بلاول بھٹو کو شدید تنقید کا نشانہ بناتے ہوئے کہا ہے کہ کورونا ویکسین کا سب سے بڑا اسٹاک سندھ کو دیا گیا تھا جبکہ بلاول بھٹو زرداری کی پریس کانفرنس سن کر افسوس ہوا۔بلاول صاحب، جو ویکسین سندھ کو دی گئی ابھی وہ ہی استعمال نہیں ہوئی، آپ کی حکومت خود مختار تھی، آپ ویکسین خرید سکتے تھے۔
تفصیلات کے مطابق لاہور میں پریس کانفرنس کرتے ہوئے پنجاب کی وزیرِ صحت ڈاکٹر یاسمین راشد کا پاکستان پیپلز پارٹی کے چیئرمین کو ہدفِ تنقید بناتے ہوئےکہنا تھاکہ بلاول بھٹو زرداری کی پریس کانفرنس سن کر بہت افسوس ہوا جبکہ این سی او سی کی پہلی میٹنگ میں سب سے زیادہ شیئر سندھ کو دیا گیا تھا۔
یاسمین راشدکا کہناتھا کہ پنجاب میں 9 لاکھ 34 ہزار 170 افراد کو کورونا وائرس کی ویکسین لگائی جا چکی ہے جبکہ بھارت ویکسین فراہمی کا سب سے بڑا ملک ہے، لیکن وہ سب شہریوں کی ویکسین یشن نہیں کر پا رہا ہے۔
ان کا کہنا ہے کہ لاہور میں مزید ویکسی نیشن سینٹر بنائے جا رہے ہیں جبکہ کورونا ویکسین کا سب سے زیاہ اسٹاک سندھ کو دیا گیا تھا، بلاول صاحب جب تنقید کرتے ہیں تو دکھ ہوتا ہے، یہ کون سا وقت ہے کہ ہم ویکسین پر تنقید کریں۔
ڈاکٹر یاسمین راشد نے بتایا کہ پنجاب میں کورونا وائرس کے مثبت کیسز کی شرح 11 فیصد ہے، آج صوبے میں کورونا کے 3 ہزار 56 کیسز مثبت رپورٹ ہوئے ہیں۔وزیرِ صحت پنجاب نے مزید کہا کہ پنجاب میں 200 وینٹی لیٹر بڑھائے گئے ہیں، اوسطاً 23 ہزار افراد کو یومیہ کورونا ویکسین لگائی جا رہی ہے۔