کرپشن یا نظام کوکون ٹھیک کرے گا؟ آئی ایم ایف نے سوالات اٹھا دیے ہیں: تیمور جھگڑا

?️ 22 نومبر 2025

اسلام آباد:(سچ خبریں) پاکستان تحریک انصاف کے رہنما تیمور سلیم جھگڑا نے کہا ہے کہ کرپشن یا نظام کوکون ٹھیک کرے گا؟، آئی ایم ایف نے سوالات اٹھا دیے ہیں۔

وفاقی دارالحکومت میں سابق گورنر سندھ محمد زبیر کے ہمراہ پریس کانفرنس کرتے ہوئے تیمور سلیم جھگڑا کا کہنا تھا کہ آئی ایم ایف کہہ رہا ہے پاکستان میں کرپشن ہو رہی ہے، اداروں کی کارکردگی سیاسی دباؤمیں آجاتی ہے۔

اُنہوں نے کہا کہ آئی ایم ایف رپورٹ عدالتوں کی دیانت داری پر سوال اٹھارہی ہے، رپورٹ پرنومبر2025کی تاریخ لکھی ہے، کرپشن یا نظام کو کون ٹھیک کرے گا؟ آئی ایم ایف رپورٹ پربات کرنےکےلیےاینکرز کے پاس وقت نہیں۔

رہنما تحریک انصاف کا کہنا تھا کہ بیشترشوگرملیں سیاسی لیڈرشپ کےپاس ہے، آئی ایم ایف نے26ویں ترمیم پربھی سوالات اٹھائے، رپورٹ کےمطابق انویسٹرڈرتا ہے، ہمارا سوال ہےآئی ایم ایف رپورٹ میں تاخیر کیوں کی گئی، ہمارا سوال ہے آئی ایم ایف رپورٹ میں تاخیر کیوں کی گئی۔

محمد زبیر
سابق گورنر سندھ اور رہنما تحریک انصاف محمد زبیر نے کہا کہ حکومت کےپاس آئی ایم ایف کی رپورٹ کا کوئی جواب نہیں ہے، دنیا کا کوئی اورملک ہوتا توحکمران جماعت مستعفی ہوجاتی ہے، رپورٹ میں ہوشربا انکشافات ہیں اورسب خاموش ہیں۔

اُن کا کہنا تھا کہ جنہوں نےملک لوٹا سب کولٹکایا جائے، آئی ایم ایف کہتا ہےاشرافیہ کےلوگوں کے لیے پالیسیاں بنائی جاتی ہیں، اِن کی لوٹ مارکی وجہ سےغریب کو نقصان ہو رہا ہے۔

رہنما تحریک انصاف نے کہا کہ آئی ایم ایف نےبتادیا مظلوم لوگ پسے ہوئے ہیں، حکومت جواب دے آئی ایم ایف کی رپورٹ سچ ہے یا جھوٹ، وزیراعظم قومی اسمبلی میں آکر جواب دیں، شفافیت نہ ہونےکی وجہ سے ملک میں انویسٹمنٹ نہیں آتی۔