کراچی میں سحری و افطار میں گیس کی فراہمی یقینی بنائی جائے گی، مصدق ملک

?️

کراچی: (سچ خبریں) وزیر مملکت برائے پیٹرولیم مصدق ملک نے کہا ہے کہ مجھے رپورٹ ملی ہے کہ کراچی میں کمپنیوں کی طرف سے افطار اور سحری میں گیس کی فراہمی میں کوتاہی ہوئی ہے لیکن اب کراچی افطاری اور سحری میں گیس کی فراہمی کے لیے سختی سے عمل کررہے ہیں اور ان اوقات میں گیس کی فراہمی یقینی بنائی جائے گی۔

کراچی میں میڈیا سے گفتگو کرتے ہوئے وزیر مملکت مصدق ملک نے کہا کہ ہم نے گیس میں امیر آدمی کا ملک اور غریب آدمی کا ملک علیحدہ کردیا ہے، ہم نے غریب آدمی کا تحفظ کیا ہے اور یہ غریب لوگ ملک کے 60 فیصد بنتے ہیں لیکن صاحب حیثیت لوگوں کو کہا گیا ہے کہ آپ کو زیادہ قیمت ادا کرنی پڑے گی، وہ زیادہ پیسے کسی منافع میں نہیں جائیں گے بلکہ اس کے ذریعے غریب کو سستی گیس دی جائے گی۔

انہوں نے کہا کہ ہم کراچی میں اس بات پر سختی سے عمل کررہے ہیں کہ افطاری اور سحری کے وقت کسی جگہ بھی گیس کا فقدان نہ ہو ، مجھے رپورٹ ملی ہے کہ اس میں کمپنیوں کی طرف سے کوتاہی ہوئی ہے اور بعض جگہوں پر گیس کی فراہمی بروقت نہیں ہوتی۔

ان کا کہنا تھا کہ بعض جگہوں پر جہاں انفرااسٹرکچر کمزور ہے وہاں کچھ لوگوں کو سحری اور افطار کے وقت بھی مشکل کا سامنا کرنا پڑتا ہے، مجھے وزیراعظم نے کراچی بھیجا ہی اس لیے ہے کہ یہ کام رکے اور اگلے کچھ دن میں اگر کسی بھی جگہ جھول ہے تو وہ ختم کردیا جائے گا اور سوئی سدرن گیس کمپنی نے رضامندی ظاہر کی ہے کہ اب ایسا نہیں ہو گا۔

انہوں نے کہا کہ جہاں بھی گیس کی قلت ہے ہم کسی بھی طرح کر کے سحر و افطار میں گیس پہنچائیں گے، اس میں مسئلہ یہ ہے کہ جب ہم کہتے ہیں کہ سحر اور افطار میں گیس فراہمی کی بات کرتے ہیں تو درمیان میں گیس کا لوڈ کم کرنا پڑتا ہے لیکن لوگ کہتے ہیں کہ ان اوقات میں بھی گیس دی جائے۔

مسلم لیگ(ن) کے رہنما نے کہا کہ ہمارے پاس گیس کے ذخائر اتنے کم ہو گئے ہیں کہ 24 گھنٹے گیس دینے کے لیے گیس نہیں ہے، بلوچستان میں پچھلے دنوں غیرمعمولی سردی آئی جس کی وجہ سے بلوچستان میں رات کے وقت درجہ حرارت دو یا تین ڈگری ہو جاتا ہے تو گیس کی بڑی تعداد بلوچستان بھیجی جا رہی ہے۔

ملک میں عدم استحکام کے باوجود کابینہ کی جانب سے سپریم کورٹ کا 14مئی کو الیکشن کا فیصلہ ماننے سے انکار کے حوالے سے سوال پر مصدق ملک نے کہا کہ ملک میں استحکام کی ذمے داری تو ہماری ہے لیکن اس کی کچھ ذمے داری تو سپریم کورٹ پر بھی ہے۔

ان کا کہنا تھا کہ کس کا فیصلہ مانا جائے، جسٹس قاضی فائز عیسیٰ کا فیصلہ مانا جائے، جسٹس منصور علی شاہ کا فیصلہ مانا جائے، جسٹس یحییٰ آفریدی کا مانا جائے، بینچ تو بن نہیں پا رہا، سات کا بینچ ہوتا ہے تو چار لوگ اعتراض کر دیتے ہیں، تو کس کا فیصلہ مانیں۔

انہوں نے عمران خان کو بھی تنقید کا نشانہ بناتے ہوئے کہا کہ ہم تو سیاستدان ہیں، عوامی خدمت پر مامور ہیں تو ہر کسی کا حق ہے کہ انگلی بھی اٹھائے اور بات بھی کرے، ہم جوابدہ بھی ہیں اور حاضر بھی ہیں لیکن اداروں کے خلاف جو آپ نے تحریکیں چلوائیں، جو شہدا کے خلاف تحریکیں چلوائیں، آپ نے اپنے ہی ملک کے چیف کی تقرری سے پہلے انہیں بدنام کرنا شروع کردیا اور بعد میں بھی بدنام کرتے رہے تو اس ادارے کو بھی آپ نے باہر نکال دیا۔

ان کا کہنا تھا کہ عدلیہ میں جو کچھ ہو رہا ہے تو آپ ہم سے سوال پوچھ رہے ہیں، آپ ان لوگوں سے سوال پوچھیں جو سپریم کورٹ کے جج ہیں، جو معترض ہیں، وہ بھی تو جسٹسز ہیں، ہماری بات مت مانیے ان کی آواز تو سنیے، اگر آدھا سپریم کورٹ فیصلوں کی شکل میں اور خود کو بینچ سے علیحدہ کرنے کی شکل میں کوئی احتجاج کررہا ہے تو سوچیے کہ وہ کیوں معترض ہیں۔

مشہور خبریں۔

پنجاب میں کورونا مریضوں کی تعداد بڑھنے پر وزیر صحت کا اظہار تشویش

?️ 30 اگست 2021لاہور (سچ خبریں) وزیر صحت پنجاب ڈاکٹر یاسمین راشد  نے پنجاب میں

کرم ایجنسی: ایف سی چیک پوسٹ پر دہشتگردوں کی فائرنگ، 6 اہلکار شہید اور 7 زخمی

?️ 7 دسمبر 2024 کرم ایجنسی: (سچ خبریں) ضلع کرم میں بگن کے قریب ایف

وزیر اعظم نے ظہیرالدین بابر کی زندگی پر فلم بنانے کا اعلان کیا ہے

?️ 16 جولائی 2021اسلام آباد(سچ خبریں) ازبکستان کے دارالحکومت تاشقند میں ازبک صدر کے ہمراہ

حلقہ بندیاں مسترد، پیپلز پارٹی کے سوا سندھ کی اہم جماعتوں کا الیکشن کمشنر کی برطرفی کا مطالبہ

?️ 5 دسمبر 2023کراچی: (سچ خبریں) متحدہ قومی موومنٹ پاکستان اور جی ڈی اے  کے

صیہونی بھی یوکرائن بحران کی موجوں پر سوار

?️ 8 مارچ 2022سچ خبریں:صیہونی حکومت نے یوکرائنی بحران سے نمٹنے کے لیے اس ملک

برطانوی وزیر دفاع نےسکیورٹی مسائل کے باعث اوڈیسا کا سفر کینسل کیا

?️ 18 مارچ 2024سچ خبریں:برطانوی وزیر دفاع گرانٹ شاپس نےسیکورٹی وجوہات کی بنا پر اوڈیسا

صوبوں کو لاک ڈاؤن سے متعلق انفرادی فیصلوں کا حق نہیں: فواد چوہدری

?️ 2 اگست 2021اسلام آباد (سچ خبریں) وفاقی وزیر برائے اطلاعات و نشریات فواد چوہدری

’ہتھیار ڈالنا کوئی آپشن نہیں‘، نگران وزیراعظم کا دہشت گردوں کےخلاف جنگ جاری رکھنے کا عزم

?️ 23 اگست 2023کراچی: (سچ خبریں) نگران وزیراعظم انوار الحق کاکڑ نے کہا ہے کہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے