کالعدم تنظیم کا احتجاج جاری، حکومت پنجاب کا اہم فیصلہ

🗓️ 28 اکتوبر 2021

لاہور (سچ خبریں) کالعدم تنظیم کا  احتجاج جاری ہے جس کے بعد پنجاب حکومت نے اہم فیصلہ کرتے ہوئے پاکستان رینجرز کی تعیناتی کے احکامات دیتے ہوئے رولزآف انگیجمنٹ طے کردیئے۔ مظاہرین کو روکنے کے لئے رینجرز تعیینات کرنے کا فیصلہ کیا گیا رینجرز اور پولیس کو کم سے کم اسلحہ استعمال کرنے کی اجازت ہوگی۔

تفصیلات کے مطابق  کالعدم تنظیم  کے احتجاج کے بعد حکومت پنجاب نے بڑا فیصلہ کرتے ہوئے پاکستان رینجرز کی تعیناتی کے احکامات جاری کردیئے۔ پنجاب حکومت نے رینجرز کے رولزآف انگیجمنٹ طےکر دیئے، ذرائع کا کہنا ہے کہ محکمہ داخلہ رینجرز کی تعیناتی کرے گی، رینجرز اور پولیس کو کم سے کم اسلحہ استعمال کرنے کی اجازت ہوگی۔

ذرائع  نے بتایا کہ پولیس کو رینجرز کی ہدایات کے مطابق کام کرنا ہوگا، پولیس اوررینجرزکےپاس انسداددہشتگردی کے اختیارات ہوں گے ، حملے کی صورت میں مقامی کمانڈ اسلحے کے استعمال کی اجازت دےسکتا ہے۔

گذشتہ روز حکومت نے مظاہرین کو روکنے کے لیے رینجرز تعینات کرنے کا فیصلہ کرتے ہوئے کہا تھا کہ مظاہرین کو جہلم سے آگے نہیں آنے دیا جائے گا۔ حکومت نے پشاور جی ٹی روڈ بھی بند کرنے کا فیصلہ کرتے ہوئے کہا گیا تھا کہ قانون ہاتھ میں لینےوالوں سےسختی سےنمٹا جائےگا۔