ڈالر کی قیمت میں کمی کا سلسلہ جاری

?️ 7 اکتوبر 2022

کراچی:(سچ خبریں) انٹربینک میں ڈالر ایک روپے 94 پیسے سستا ہونے کے بعد 220 روپے کا ہو گیا ۔تفصیلات کے مطابق امریکی ڈالر کے زوال اور پاکستانی روپے کے عروج کا سلسلہ جاری ہے۔آج بھی ڈالر کی قیمت میں کمی ہوئی ہے۔میڈیا رپورٹس کے مطابق آج صبح کاروبار کے آغاز میں انٹربینک میں امریکی ڈالر میں ایک روپے 94 پیسے کی کمی ہوئی ہے جس کے بعد ڈالر 220 کا ہو گیا۔

انٹربینک میں ڈالر 22 ستمبر سے اب تک 19 روپے 71 پیسے سستا ہوا ہے۔جب کہ اوپن مارکیٹ میں ڈالر 1 روپے سستا ہونے کے بعد 222 روپے 50 پیسے کا ہو گیا۔ گذشتہ روز بھی انٹر بینک میں روپے کے مقابلے ڈالر مزید 2 روپے سستا ہو ا تھا جب کہ اوپن کرنسی میں ڈالر کی قدر میں 3.50 روپے کی کمی واقع ہوئی۔فاریکس رپورٹ کے مطابق بدھ کے روز مارکیٹ میں امریکی ڈالر کے مقابلے پاکستانی ورپیہ مزید تگڑا ہو گیا۔

انٹر بینک میں ڈالر کی قدر223.94 روپے سے گھٹ کر 221.94 روپے کی سطح پر آگئی جب کہ اوپن مارکیٹ میں ڈالر کی قیمت فروخت 226.50 روپے سے گر کر223 روپے پر آ گئی ۔فاریکس رپورٹ کے مطابق یورو کی قدر میں 4روپے کی کمی واقع ہوئی جس سے یوروکی قیمت فروخت 224.20 روپے سے گھٹ کر220.24 روپے ہو گئی ،5.60 روپے کی کمی سے برطانوی پاؤنڈ کی قیمت فروخت 258.60 روپے سے گر کر253 روپے پر آ گئی۔

دوسری جانب زرمبادلہ کے ذخائر106 ملین ڈالر کمی کے بعد 13.59 ارب ڈالرہوگئے ۔سٹیٹ بینک کی جاری رپورٹ کے مطابق 30ستمبر کوختم ہونے والے ہفتہ میں سٹیٹ بینک کے پاس زرمبادلہ کے ذخائر کا حجم 7.89ارب ڈالر اورکمرشل بینکوں کے پاس زرمبادلہ کے ذخائر کا حجم 5.68ارب ڈالرریکارڈکیاگیا۔ گزشتہ ہفتہ میں زرمبادلہ کے ذخائرمیں 106ملین ڈالر کمی ہوئی۔