چین کے ساتھ تعلقات پہلے سے زیادہ مضبوط ہوئے ہیں

شاہ محمود

?️

اسلام آباد(سچ خبریں)   وزیر خارجہ شاہ محمود قریشی کا دورہ چین مکمل ہونے کے بعد دفتر خارجہ نے ایک ٹوئٹ میں کہا کہ پاک ۔ چین سدا بہار دوستی ہمیشہ پھلی پھولی ہے اور مستحکم ہوئی ہے جبکہ علاقائی اور عالمی بدلتی ہوئی صورتحال کے بھی اس پر اثرات نہیں پڑے۔

وزیر خارجہ شاہ محمود قریشی اپنا چین کا دو روزہ دورہ مکمل کرکے وطن واپس روانہ ہوئے، چین میں انہوں نے چینی اسٹیٹ قونصلر اور وزیر خارجہ وانگ ژی سے ملاقاتیں کیں اور دوطرفہ تعلقات کو مزید مستحکم کرنے کے عزم کا اعادہ کیا۔

دفتر خارجہ نے کہا کہ پاکستان اور چین دونوں نے سدابہار اسٹریٹیجک تعاون پر مبنی شراکت داری کو مزید مستحکم کرنے کے عزم کا اعادہ کیا۔

چین کی وزارت خارجہ امور کے ترجمان نے دونوں رہنماؤں کے درمیان ملاقات سے متعلق ٹوئٹ میں بتایا کہ ’اس سے ثابت ہوتا ہے کہ چین اور پاکستان ایک دوسرے کے سب سے زیادہ قابل اعتماد اچھے ہمسائے، دوست اور بھائی ہیں‘۔ان کا کہنا تھا کہ ’چین اور پاکستان کی دوستی کبھی نہیں ٹوٹ سکتی‘۔

بیجنگ میں چینی وزارت خارجہ نے وانگ ژی کے حوالے سے کہا ہے کہ چین نئے دور میں مشترکہ مستقبل کے قریب تر برادری کی تعمیر کو فروغ دینے، دونوں لوگوں کو زیادہ سے زیادہ فوائد پہنچانے، زیادہ سے زیادہ شراکت دار بنانے کے لیے پاکستان کے ساتھ کام کرنے کے لیے تیار ہے۔

چین اور پاکستان کے درمیان سفارتی تعلقات کے قیام کی 70ویں سالگرہ کی نشاندہی کرتے ہوئے وزیر خارجہ وانگ ژی نے کہا کہ دونوں ممالک نے بہت سی مشکلات اور رکاوٹوں کو دور کرنے کے لیے مل کر کام کیا ہے اور تعاون کی ایک سدابہار اسٹریٹجک شراکت قائم کی ہے۔

انہوں یہ ریمارکس چین اور پاکستان وزرائے خارجہ کے ’اسٹریٹجک ڈائیلاگ‘ کے تیسرے دور کے دوران دیے جس میں وزیر خارجہ شاہ محمود قریشی نے شرکت کی تھی۔

انہوں نے کووڈ 19 کے خلاف جنگ میں دونوں ممالک کے تعاون کے بارے میں بھی بات کی جبکہ دونوں فریقین نے ویکسین نیشنلزم سے متعلق اپنے اعتراضات کو دوہرایا۔

داسو پن بجلی منصوبے پر کام کرنے والے چینی شہریوں پر حملے کے بارے میں بات کرتے ہوئے وانگ ژی نے حملہ آوروں کو انصاف کے کٹہرے میں لانے اور مستقبل میں ہونے والے اس طرح کے واقعات کو روکنے کے لیے دونوں ممالک کے درمیان قریبی تعاون کا مطالبہ کیا۔انہوں نے متاثرین کے علاج اور سیکیورٹی کو مستحکم کرنے میں پاکستان کی کوششوں کو سراہا۔

ملاقات کے بعد مشترکہ پریس بریفنگ میں وانگ ژی نے کہا کہ دونوں ممالک چین ۔ پاکستان اقتصادی راہداری (سی پیک) کے اعلیٰ معیار کی تعمیر کو جاری رکھنے، بین الاقوامی اور علاقائی امور میں ہم آہنگی کو مستحکم کرنے پر متفق ہوگئے ہیں۔

انہوں نے صحافیوں کو بتایا کہ افغانستان کے ہمسایہ ممالک کی حیثیت سے چین اور پاکستان دونوں ہی افغانستان کی صورتحال سے سب سے زیادہ متاثر ہوئے ہیں۔

مشہور خبریں۔

اراکین اسمبلی وفاقی وزیر حماد اظہر کے خلاف ہو گئے ہیں

?️ 24 دسمبر 2021کراچی (سچ خبریں)تفصیلات کے مطابق سندھ میں گیس کے بحران کا مسئلہ

سعودی عرب جانے والے مسافروں کیلئے پولیو سرٹیفکیٹ لازمی قرار

?️ 14 فروری 2025اسلام آباد: (سچ خبریں) پاکستان انٹرنیشنل ایئرلائنز (پی آئی اے) نے سعودی

قید ہونے سے لے کر قرآن کو جلانے تک

?️ 1 جولائی 2023سچ خبریں:عراقی میڈیا نے سویڈن میں قرآن کو جلانے والے سلوان مومیکا

فلسطینیوں کی پہلی تاریخی واپسی

?️ 28 جنوری 2025سچ خبریں: اکتوبر 2023 میں غزہ کی پٹی کے خلاف صیہونی حکومت

قطر ورلڈ کپ صہیونیوں کے لیے کیسے ڈراؤنا خواب بنا؟

?️ 27 نومبر 2022سچ خبریں:قطر میں ہونے والے 2022 کے ورلڈ کپ نے فلسطین کی

صیہونی حکومت کو قتل کرنے کی دھمکی پر سنوار کا جواب

?️ 7 مئی 2022غزہ میں اسلامی مزاحمتی تحریک حماس کے سیاسی بیورو کے سربراہ یحییٰ

عراق میں امریکی فوجی قافلہ پر حملہ

?️ 17 اپریل 2021سچ خبریں:عراقی ذرائع نے اطلاع دی ہے کہ جنوبی عراق میں امریکی

برطانیہ نے کورونا وائرس کی نئی لہر کے مدنظر پاکستانی مسافروں کے حوالے سے اہم اعلان کردیا

?️ 2 اپریل 2021لندن (سچ خبریں) برطانیہ نے کورونا وائرس کی نئی لہر کے مدنظر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے