?️
اسلام آباد(سچ خبریں) اسلام آباد میں پریس کانفرنس کے دوران وفاقی وزیرسائنس و ٹیکنالوجی فواد چوہدری نے پی ڈٰ ایم پر شدید الفاظ میں تنقید کرتے ہوئے کہا کہ پی ڈی ایم کی گاڑی نہیں چلے گی جس کے اتنے ڈرائیور ہوں اس گاڑی کا چلنا کافی مشکل ہے یہ بات سب نے دیکھ لی ہے کہ اپوزیشن شدید اختلاف کا شکار ہو چکی ہے۔
فواد چوہدری کا کہنا تھا کہ دنیا بھر میں یونیورسٹیاں اپنے ملکوں کی مقامی معیشت میں اہم کردار ادا کرتی ہیں، ہم ٹیکنالوجی کے شعبے میں چین کے تجربات سے فائدہ اٹھاسکتے ہیں،حکومت کا عوام کو مفت ویکسین فراہم کرنے کا وعدہ ہے، جو لوگ اس کی قیمت ادا کرنے کی استطاعت رکھتے ہیں وہ ویکسین خرید کر لگوالیں،میری ذاتی رائے تھی کہ حکومت ویکسین کی قیمت مقرر نہ کرے، کابینہ میں ویکسین کی قیمت میں ردوبدل کی باتیں چل رہی ہیں لیکن فیصلہ وزیراعظم کو کرنا ہے۔
وفاقی وزیر نے کہا کہ پی ڈی ایم پارلیمنٹ کا ناکام بنانا چاہتی ہے، پی ڈی ایم کی گاڑی چلنے والی نہیں ہے، جس گاڑی کے اتنے ڈرائیور ہوں گے تو ایکسیڈنٹ تو ہوگا اور وہ ہوگیا ہے، پیپلز پارٹی اور مسلم لیگ (ن) میں جھگڑا چل رہا ہے، ایک پارٹی پنجاب کے 8 اضلاع اوردوسری سندھ کے 8 اضلاع تک محدود ہوگئی ہے۔ مسلم لیگ (ن) کی سیاست نابالغ ہے، مسلم لیگ (ن) کو بچکانہ سیاست کی وجہ سے نقصان ہوا ہے،(ن) لیگ آہستہ آہستہ قانون کے دائرے میں آرہی ہے، خوشی ہے مریم نوازنے قانونی راستہ اختیار کیا، گزشتہ روز ان کا موقف تھا ضمانت نہیں کرائیں گے پتھر ہی ماریں گے۔
چیئرمین پیپلزپارٹی اور سراج الحق کی ملاقات پر تبصرہ کرتے ہوئے فواد چوہدری نے کہا کہ بلاول بھٹو زرداری نے اپنا امام تبدیل کرلیا ہے، پہلے ان کے امام فضل الرحمان تھے اب سراج الحق ہیں۔ کھانوں کا بل کس نے دیا یہ معلوم نہیں۔
فواد چوہدری نے کہا کہ ہم الیکشن اصلاحات پر آگے بڑھنا چاہتے ہیں، وزیراعظم نے انتخابی اصلاحات کے لیے اقدامات کیے ہیں، کل الیکشن اصلاحات کمیٹی کے اجلاس میں بھی اپوزیشن نہیں آئی، پہلے اپوزیشن نے کہا حکومت کچھ نہیں کررہی ، اب ان کا تعاون چاہیے، اپوزیشن سنجیدگی دکھائے اس موقع سے فائدہ اٹھائے، الیکٹورل ریفارم سے شروع کرے تو باقی معاملات پر بھی بات ہوگی۔ اگر آپ سمجھتے ہیں حکومت ایک ہاتھ سے تالی بجائے گی تو ایسا ممکن نہیں،انتخابی اصلاحات میں حصہ نہ لے کر آپ اپنا اور جمہوریت کا نقصان کریں گے۔
وفاقی وزیر کا کہنا تھا کہ ملک میں بجلی کی بندش کا مسئلہ ڈسٹری بیوشن کی وجہ سے ہے،بجلی کی پیداوار زیادہ اور کھپت کم ہے، ہمارے پاس 10 ہزار میگاواٹ بجلی زیادہ ہے۔
کابینہ میں رد و بدل کے حوالے سے فواد چوہدری نے کہا کہ کابینہ میں ردوبدل کی باتیں درست ہیں، اس حوالے سے کئی وزیروں کے دل دھڑک رہے ہیں۔
مشہور خبریں۔
کترینہ کیف کو مہندی کون لگائے گا؟
?️ 8 دسمبر 2021ممبئی (سچ خبریں) بالی ووڈ کی معروف اداکارہ کترینہ کیف نے اپنے
دسمبر
رمضان المبارک کے حوالے سے وزیراعظم کی جانب سے خصوصی ہدایات
?️ 27 مارچ 2021اسلام آباد (سچ خبریں) وزیراعظم عمران خان نے رمضان المبارک میں پناہ
مارچ
اسرائیل کی پیچیدہ صورتحال؛ شاباک کے سابق سرغنہ کی زبانی
?️ 29 اپریل 2024سچ خبریں: صیہونی خفیہ ادارے شاباک کے سابق سربراہ نے قابض حکومت
اپریل
اردگان کی نیتن یاہو سے نیویارک میں ملاقات
?️ 20 ستمبر 2023سچ خبریں:ترکی کے صدر رجب طیب اردگان نے نیویارک میں ترک ہاؤس
ستمبر
ایران کے خلاف امریکی طبی ناکہ بندی انسانیت کے خلاف جرم:اقوام متحدہ میں ایرانی نائب سفیر
?️ 16 فروری 2022سچ خبریں:اقوام متحدہ کے سماجی واجتماعی ترقی کمیشن کے سالانہ اجلاس میں
فروری
بنوں میں پولیس لائنز پر حملہ، 4 اہلکار شہید، پانچوں دہشت گرد ہلاک
?️ 15 اکتوبر 2024بنوں: (سچ خبریں) صوبہ خیبر پختونخوا کے شہر بنوں میں اقبال شہید
اکتوبر
صہیونی ماہرین نے معمول کے معاہدوں کے خاتمے کے بارے میں خبردار کیا
?️ 28 مارچ 2023سچ خبریں:گزشتہ چند مہینوں سے بنجمن نیتن یاہو کی سربراہی میں صیہونی
مارچ
قومی ہیرو کا ملک میں بےمثال استقبال
?️ 11 اگست 2024سچ خبریں: پاکستان میں ہفتے کی رات اولمپیئن گولڈ میڈلسٹ ارشد ندیم
اگست