?️
پشاور: (سچ خبریں) پاکستان تحریک انصاف نے ڈی چوک احتجاج ہرصورت کامیاب بنانے کی حکمت عملی بنالی۔ میڈیا رپورٹس کے مطابق وفاقی دارالحکومت کے ڈی چوک میں احتجاجی مظاہرے کے لیے وزیراعلیٰ خیبرپختونخواہ علی امین گنڈاپور نے ہر رکن اسمبلی کو 500 بندے لانے کا ٹاسک دیا ہے، پٹرول اور گاڑیوں کے اخراجات کی مد میں رکن اسمبلی کو 4 لاکھ روپے دینے اور موٹروے انٹرچیج پر خفیہ کیمروں کے ذریعے اراکین کی مانیٹرنگ کا فیصلہ کیا ہے۔
ذرائع کی جانب سے بتایا گیا ہے کہ وزیراعلیٰ خیبر پختونخواہ نے برہمی کا اظہار کرتے ہوئے کہا کہ دیکھنے میں آیا ہے دیکھنے میں آیا ہے اراکین 50 یا 100 بندوں کے ساتھ صوابی یا برہان سے واپس ہوجاتے ہیں، اراکین تصاویر سوشل میڈیا پر وائرل کرکے واپس چلے جاتے ہیں لیکن اب ہر صورت ڈی چوک اسلام آباد پہنچنا ہے، موٹروے انٹر چیج پر خفیہ کیمروں کے ذریعے اراکین کی مانیٹرنگ کی جائے گی۔
ادھرپاکستان تحریک انصاف کی جانب سے وفاقی دارالحکومت میں احتجاج کی کال کے پیش نظر ضلعی انتظامیہ نے اسلام آباد کو مکمل طور پر سیل کرنے کا فیصلہ کرلیا،ریڈ زون کو جانے والے راستوں پر کنٹینرز رکھ دیئے گئے ہیں جب کہ ریڈ زون کو جانے کیلئے صرف مارگلہ روڈ کھلا رکھا گیا ہے، ایکسپریس ہائی وے پر فیض آباد کے مقام پر بھی کنٹینر رکھ دیئے گئے جس کے باعث گاڑیوں کی لمبی قطاریں لگ رہی ہیں، علاوہ ازیں اسلام آباد کے داخلی راستوں پرمزید کنٹینرز پہنچا دئیے گئے ہیں، مارگلہ روڈ 26 نمبر چونگی اور موٹر وے پر بھی کنٹینرز پہنچادئیے گئے ۔
دوسری طرف میانوالی میں 2 اکتوبر کو احتجاج کے دوران دفعہ 144کی خلاف ورزی پر پاکستان تحریک انصاف کے کارکنوں کے خلاف مقدمہ درج کر لیا گیا، پولیس پر پتھراؤ، فائرنگ کرنے اور دفعہ 144 کی خلاف ورزی پر مقدمہ درج کیا گیا، ایف آئی آر میں 7 اے ٹی اے اور دیگر دفعات لگائی گئی ہیں، مقدمہ میں 22 نامزد اور 25 نامعلوم افراد کو نامزد کیا گیا، جن میں سے 10 افراد پہلے ہی گرفتار ہیں مزید نامزد افراد کی گرفتاری کیلئے چھاپے مارے جا رہے ہیں، اسی طرح بہاولپور پولیس نے بھی پی ٹی آئی کارکنان کے خلاف کریک ڈاون کرتے ہوئے متعدد کارکنان کو گرفتارکر لیا۔
مشہور خبریں۔
سال 2022 میں سونا سب سے منافع بخش اثاثہ بن گیا
?️ 28 دسمبر 2022اسلام آباد:(سچ خبریں) ’ٹاپ لائن سیکیورٹیز‘ کے جاری کردہ تحقیقی نوٹ کے
دسمبر
ہمیں طالبان کو تسلیم کرنے کی کوئی جلدی نہیں: ترکی
?️ 15 مارچ 2022سچ خبریں:ترک وزیر خارجہ نے انطالیہ ڈپلومیٹک کونسل کے اجلاس میں بتایا
مارچ
سپریم کورٹ کے از خود نوٹس سماعت کا احوال
?️ 19 مئی 2022اسلام آباد(سچ خبریں) سپریم کورٹ نے آزادانہ تفتیش کے معاملات میں مداخلت کے
مئی
یمن میں 6 ماہ کی جنگ بندی میں توسیع کا ابتدائی معاہدہ
?️ 8 اپریل 2023سچ خبریں:یمن کے ایک سفارتی ذریعے نے آج اسپوٹنک خبر رساں ایجنسی
اپریل
مغربی کنارے کے الخلیل علاقہ میں ایک صہیونی آبادکار زخمی
?️ 18 دسمبر 2021سچ خبریں:عبرانی ذرائع کا کہنا ہے کہ الخلیل میں ابراہیم مسجد کے
دسمبر
توشہ خانہ کیس: عمران خان اور بشریٰ بی بی آج نیب میں طلب
?️ 21 مارچ 2023اسلام آباد:(سچ خبریں) توشہ خانہ تحائف کی تحقیقات کے لیے راولپنڈی سے
مارچ
غزہ میں نئے صیہونی نئے جرم کے بارے میں فلسطینی حکومت کا بیان
?️ 16 مارچ 2024سچ خبریں: غزہ کی پٹی میں فلسطینی اتھارٹی کے انفارمیشن آفس نے
مارچ
صیہونی فوجییوں کے فرار میں اضافہ
?️ 25 نومبر 2023سچ خبریں: صہیونی صحافی کا کہنا ہے کہ صیہونی فوج میں ملازمت
نومبر