پنجاب کابینہ اجلاس: ہائی سکیورٹی زونز ایکٹ، پراپرٹی قوانین کی ترمیمی تجویز منظور

پنجاب کابینہ کا اجلاس وزیراعلیٰ مریم نواز شریف کی زیر صدارت ہوا، صوبائی کابینہ کے 31ویں اجلاس میں 30ویں اجلاس کی کارروائی کی توثیق کابینہ نے کردی، قائمہ کمیٹی برائے قانون سازی و نجکاری کے اجلاسوں کے منٹس کابینہ میں پیش کردئیے گئے۔

کابینہ نے قانون و امن و امان سے متعلق قائمہ کمیٹی کے اجلاسوں کی کارروائی کی منظوری دیدی، اساتذہ کے طبی اخراجات سے متعلق سمری بھی منظور کر لی گئی۔

این ایف سی ایوارڈ پر عملدرآمد کی ششماہی رپورٹس کابینہ میں پیش کی گئی، پنجاب حکومت کے آڈٹ سال 2019-20 اور 2022-23 کی رپورٹس اور مسیحی اور ہندو شادی لائسنس کے اجرا اور رجسٹرار تقرری کی سمری بھی کابینہ میں پیش کی گئی۔

پنجاب کی کابینہ نے پراپرٹی قوانین میں ترمیم کی تجویز، ٹیلی کام ٹاورز کے لیے سرکاری اراضی لیز کی شرائط، ملکیتی حقوق دینے سے متعلق گرانٹ کی شرائط منظور کر لیں۔

پی آئی ای ڈی ایم سی کے میمورنڈم میں ترمیم کی تجویز بھی منظور کر لی گئی، ٹریفک وارڈن سروس رولز اور ہائی پوٹینشل ڈویلپمنٹ سکیم میں ترمیم،لوکل گورنمنٹ سروس رولز 2018 میں ترمیم کی سمری بھی کابینہ میں پیش کی گئی۔

آئینی ترمیمی بل 2025 کابینہ میں پیش کیا گیا،پی ایچ اے ٹی اے آرڈیننس 2002 میں ترمیم کی تجویز، سوشل ویلفیئر و بیت المال کی پنٹا پالیسی، ماحولیاتی تحفظ ایکٹ 1997 میں ترامیم کی سمری، کے ایف ڈبلیو بینک سے 15 ملین یورو گرانٹ معاہدے کی سمری بھی کابینہ میں پیش کی گئی۔

صوبائی کابینہ کے اجلاس میں پنجاب چیریٹیز ایکٹ 2018 کے تحت کمیشن کے قیام کی سمری، ملتان اور بہاولپور بلڈ سینٹرز کے معاہدے کی تجدید کی سمری، پولیس رولز 1934 میں ترمیم کی سمری، سی سی ڈی میں خصوصی جنسی جرائم تفتیشی یونٹس کے قیام کی سمری پیش کی گئی۔