سچ خبریں: صوبہ پنجاب میں مون سون کی بارشوں کے باعث آنے والے سیلاب کے باعث ایک لاکھ سے زائد افراد کو محفوظ مقامات پر منتقل کر دیا گیا ہے۔
اسپوٹنک خبر رساں ایجنسی کی رپورٹ کے مطابق پاکستان کی ریاست پنجاب میں مون سون کی بارشوں کے باعث آنے والے سیلاب کی وجہ سے ایک لاکھ سے زائد افراد کو اپنے گھروں سے اونچے علاقوں میں منتقل کر دیا گیا۔
یہ بھی پڑھیں: مون سون بارشوں کی وجہ سے ہائی الرٹ جاری
اس خبر رساں ایجنسی کے مطابق امدادی فورسز کی جانب سے انخلاء کا آپریشن 3 ہفتوں سے جاری ہے، بہاولپور اور قصور کے زیادہ تر لوگوں کو نکال لیا گیا ہے۔
ریلیف اور ریسکیو حکام نے اطلاع دی ہے کہ ریاست پنجاب میں مون سون کی بارشوں کی وجہ سے دریائے ستلج میں ظغیانی آئی ہے اور آس پاس کے علاقے زیر آب آ گئے ہیں۔
پاکستان کی نیشنل ڈیزاسٹر مینجمنٹ ایجنسی نے بھی اعلان کیا کہ دریائے راوی میں پانی کی سطح نارمل ہے، تاہم دریائے ستلج اس ہفتے دوبارہ اوور فلو ہوسکتا ہے۔
مزید پڑھیں: لاہور: شدید بارشوں کا سلسلہ جاری، مختلف حادثات میں 4 افراد جاں بحق، 15 زخمی
یاد رہے کہ پاکستان میں مون سون کی وجہ سے ہر سال جون سے ستمبر تک بہت زیادہ نقصان ہوتا ہے،گزشتہ سال مون سون کی بارشوں کے باعث آنے والے سیلاب سے 1,739 افراد جان کی بازی ہار گئے، اس حادثے سے ہونے والے نقصانات کے ازالے کی لاگت 30 ارب ڈالر سے زائد ہونے کا اعلان کیا گیا۔
