?️
لاہور:(سچ خبریں)پنجاب اسمبلی کے ‘متنازع’ اجلاس میں جمعرات کو پی ٹی آئی کی مخصوص نشستوں کے کوٹے سے تعلق رکھنے والے 5 اراکین صوبائی اسمبلی نے اپنے عہدے کا حلف اٹھا لیا جس کا حکومتی بینچز نے بائیکاٹ کیا۔
میڈیا رپورٹ کے مطابق خواتین کی مخصوص نشستوں پر بتول زین، سائرہ رضا اور فوزیہ عباس نسیم نے حلف اٹھایا جبکہ اقلیتی نشستوں پر حبکوک رفیق ببو اور سیمیول یعقوب نے حلف اٹھایا۔
انہوں نے عظمیٰ کاردار، عائشہ نواز، ساجدہ یوسف، اعجاز مسیح اور ہارون عمران گل کی جگہ لی ہے جن کو جنرل نشستوں پر منتخب دیگر 20 اراکین اسمبلی کے ہمراہ الیکشن کمیشن آف پاکستان نے 16 اپریل کو وزیر اعلیٰ کے انتخاب میں حمزہ شہباز کو ووٹ دے کر پارٹی لائن سے انحراف کرنے پر ڈی نوٹیفائی کیا تھا۔
پنجاب کے محکمہ قانون کے ایک سینئر افسر نے حلف برداری کی تقریب کو ’غیر آئینی‘ قرار دیتے ہوئے کہا کہ جس اجلاس میں یہ ہوا اس کی کوئی قانونی حیثیت نہیں تھی، اسمبلی کے جس اجلاس میں پانچ اراکین صوبائی اسمبلی نے حلف اٹھایا، اسے صوبائی سیکریٹری قانون نے نہیں بلایا تھا، جو پنجاب اسمبلی سیکرٹریٹ سروسز ایکٹ 2022 کے تحت ایسا کرنے کا اختیار رکھتا ہے، اس لیے ان کا حلف غیر آئینی ہے۔
اجلاس پر تنازع جون کے دوسرے ہفتے میں اس وقت شروع ہوا جب 22 جولائی کو ہونے والے وزیراعلیٰ کے انتخاب کے لیے دوبارہ پولنگ میں حمزہ کے مقابلے میں پی ٹی آئی اور مسلم لیگ (ق) کے مشترکہ امیدوار پنجاب اسمبلی کے اسپیکر پرویز الٰہی نے بجٹ پیش کرنے کے لیے بلائے گئے اجلاس میں دو دن تک صوبائی بجٹ پیش کرنے کی اجازت نہیں دی۔
پرویز الٰہی پنجاب کے چیف سیکریٹری اور انسپکٹر جنرل آف پولیس سے بجٹ اجلاس میں ذاتی طور پر پیش اور 16 اپریل کو وزیراعلیٰ کے دفتر کے لیے پہلے پولنگ کے دوران اسمبلی فلور پر پولیس کے ‘غیر قانونی’ داخلے پر ایوان سے معافی مانگنے کا مطالبہ کر رہے تھے۔
جب دونوں فریق معاملے کو خوش اسلوبی سے حل نہ کر سکے تو حکومت نے گورنر کے احکامات کے ذریعے اجلاس کو ملتوی کر دیا اور بجٹ پیش کرنے کے لیے اسمبلی کے قریب ایک اور مقام پر نیا اجلاس بلایا۔
اسپیکر نے مبینہ طور پر اپوزیشن کی جانب سے طلب کردہ اجلاس بھی بلا لیا، دونوں اجلاسوں کی کارروائی گورنر کی جانب سے ایک آرڈیننس جاری کرنے کے باوجود متوازی چلتی رہی جس پر بعد میں قانون میں دستخط کیے گئے تھے تاکہ اسمبلی سیکریٹری کے اجلاسوں کو طلب اور/یا ملتوی کرنے کے اختیارات کو ختم کیا جاسکے۔
اسپیکر کی طرف سے اجلاس پنجاب اسمبلی سیکریٹریٹ سروسز ایکٹ 2022 کو کالعدم قرار دینے اور اسمبلی کی آزاد حیثیت کو ‘بحال کرنے’ کے لیے ‘جوابی قانون سازی’ کے لیے اجلاس بلایا گیا تاہم یہ قانون سازی اسی وقت قانون کی شکل اختیار کرے گی جب گورنر اس پر دستخط کریں گے۔
اسپیکر پرویز الٰہی نے منگل کو کارروائی 13 جولائی کو ملتوی کر دی تھی لیکن انہوں نے اجلاس کو دوبارہ جمعرات کے لیے شیڈول کر دیا تاکہ ایک روز قبل الیکشن کمیشن کی جانب سے مخصوص نشستوں پر نوٹیفائی کیے گئے پی ٹی آئی کے پانچ اراکین صوبائی اسمبلی حکمران مسلم لیگ(ن) کی جانب سے عدالت میں کمیشن کے احکامات کو چیلنج کرنے سے پہلے حلف اٹھا سکیں۔
پنجاب اسمبلی میں پانچ اراکین اسمبلی کے شامل ہونے سے وزیر اعلیٰ کے عہدے کے لیے دوبارہ پولنگ میں پرویز الٰہی کے ووٹروں کی تعداد 168 سے بڑھ کر 173 ہو گئی ہے جبکہ حمزہ شہباز کے 177 ووٹ ہیں، پنجاب اسمبلی کے باقی 20 حلقوں پر 17 جولائی کو ہونے والے ضمنی انتخابات دونوں امیدواروں کے مستقبل کا فیصلہ کریں گے۔
مشہور خبریں۔
ترکی کا آئندہ صدر کون ہوگا؟
?️ 27 دسمبر 2021سچ خبریں:اردغان کے اپوزیشن اتحاد کا وسیع محاذ مشترکہ امیدوار کی نامزدگی
دسمبر
قبضے کے خلاف مقاومت ایک جائز حق
?️ 25 نومبر 2021سچ خبریں: برطانوی پارلیمنٹ میں کنزرویٹو پارٹی کے رکن کرسپن بلنٹ نے خبردار
نومبر
افغان بچے بارودی سرنگوں کے دھماکوں کا شکار
?️ 20 جولائی 2023سچ خبریں:انٹرنیشنل کمیٹی آف ریڈ کراس نے ایک رپورٹ میں کہا ہے
جولائی
اسرائیل کو کبھی تسلیم نہیں کریں گے:چیئرمین سینیٹ
?️ 2 اگست 2021اسلام آباد(سچ خبریں)پاکستانی چیئرمین سینیٹ نے عرب پارلیمنٹ کے اسپیکرکے ساتھ ملاقات
اگست
عراق کے صوبۂ نینوا میں الحشد الشعبی کی سکیورٹی کاروائی
?️ 3 اپریل 2021سچ خبریں:عراقی ذرائع نےاس ملک کے جنوبی صوبہ نینوا میں عراقی عوامی
اپریل
مسافروں کیلئے نیا سفری ہدایت نامہ جاری کر دیا گیا
?️ 30 اگست 2021اسلام آباد (سچ خبریں) عالمی وباء کورونا کے پیش نظر پاکستان آنے
اگست
وزیر اعظم احتساب کا عمل کسی کے لئے نہیں بدلیں گے
?️ 29 اپریل 2021سندھ(سچ خبریں) گورنر سندھ عمران اسمٰعیل نے کہا ہے کہ وزیراعظم عمران
اپریل
غزہ میں بچاؤ کی آخری مہلت کا خطرناک الارم بج اٹھا
?️ 17 مئی 2025سچ خبریں: بین الاقوامی اداروں کی جانب سے غزہ پٹی میں انسانی
مئی