پبلک سیکٹر ڈیولپمنٹ پروگرام میں کوئی کٹوتی نہیں کی جائے گی، وزیراعلیٰ بلوچستان

?️

 بلوچستان:(سچ خبریں) وزیر اعلیٰ بلوچستان میر عبدالقدوس بزنجو نے اراکین اسمبلی کو یقین دلایا ہے کہ موجودہ پبلک سیکٹر ڈیولپمنٹ پروگرام کے بجٹ میں کوئی کمی نہیں کی جائے گی اور صوبے کے سیلاب سے متاثرہ علاقوں کی بحالی کے لیے تمام دستیاب وسائل بروئے کار لائے جائیں گے۔

قائم مقام اسپیکر سردار بابر خان موسیٰ خیل کی زیر صدارت اسمبلی اجلاس میں ارکان کی جانب سے اٹھائے گئے مسائل کے جواب میں کہا کہ ہم سیلاب متاثرین کو کسی بھی صورت میں بے بس نہیں رہنے دیں گے۔ بلوچستان نیشنل پارٹی (بی این پی-مینگل) کے پارلیمانی لیڈر ملک نصیر احمد شاہوانی نے نشاندہی کی کہ 5 ماہ گزرنے کے باوجود کئی علاقے اب بھی سیلابی پانی کی زد میں ہیں۔

انہوں نے کہا کہ حکومت سیلاب سے متاثرہ خاندانوں کو خیمے تک فراہم نہیں کر سکی۔ تاہم وزیر زراعت اسد بلوچ نے کہا کہ محدود وسائل کے باوجود صوبائی حکومت نے سیلاب سے متاثرہ خاندانوں کو بچانے اور امداد کی فراہمی کے لیے اقدامات کیے ہیں۔ انہوں نے کہا کہ بلوچستان اسمبلی نے ایک قرارداد کے ذریعے 22 ارب روپے کے پیکج کا مطالبہ کیا لیکن اسلام آباد نے اس کا کوئی جواب نہیں دیا۔

انہوں نے مزید کہا کہ پی ڈی ایم کی تمام رکن جماعتوں کو چاہیے کہ وہ اس گرانٹ کے اجرا کے لیے مرکز پر دباؤ ڈالیں جس کا اعلان وزیر اعظم شہباز شریف نے بلوچستان کے لیے کیا تھا۔

ایوان میں بات کرتے ہوئے اپوزیشن لیڈر ملک سکندر خان نے امن و امان کی صورتحال پر بات کی اور کہا کہ یہ بہت خراب ہو چکی ہے۔ انہوں نے کہا کہ یہ صوبائی حکومت کی ذمہ داری تھی کہ وہ بلوچستان ہائی کورٹ کے سابق چیف جسٹس اور وفاقی شرعی عدالت کے جسٹس نور مسکانزئی کو سیکیورٹی فراہم کرتی، جنہیں ان کے آبائی شہر میں گولی مار کر قتل کر دیا گیا تھا۔

انہوں نے گیس کے کم پریشر اور کوئٹہ کے علاقے نوشہر میں مختلف قبائل کی ملکیتی زمینوں کی غیر قانونی الاٹمنٹ کے بارے میں بھی بات کی۔

وزیراعلیٰ عبدالقدوس بزنجو نے کہا کہ سیلاب زدگان کو بے یارو مددگار نہیں چھوڑا جائے گا اور ان کی بحالی کے لیے تمام اقدامات کیے جائیں گے۔

انہوں نے کہا کہ عوامی نمائندوں کا تحفظ حکومت کی ذمہ داری ہے اور ہائی کورٹ کے حکم کے بعد اراکین اسمبلی کو فراہم کی گئی سیکیورٹی واپس لے لی گئی، ساتھ ہی امید ظاہر کی کہ یہ مسئلہ ایک ہفتے میں حل ہو جائے گا، صوبائی حکومت کی کوشش ہے کہ جہاں بھی گنجائش ہو بہتری لائی جائے۔

انہوں نے کہا کہ بلوچستان آدھا پاکستان ہے اور جب سیلابی پانی میں ڈوبا ہوا تھا تو انتظامیہ اور تمام عہدیدار 3 ماہ دن رات سیلاب زدگان کو ریلیف فراہم کرنے میں مصروف رہے۔

انہوں نے کہا کہ بلوچستان کے لیے وفاقی محکموں کا تعاون ان کی محبت کا اظہار ہے، جس کی تعریف کی جانی چاہیے۔ وزیراعلیٰ نے کہا کہ ہم انتھک محنت کر کے یہ کریں گے، ابھی تک کسی بھی امدادی کام میں بدعنوانی کی کوئی شکایت سامنے نہیں آئی جبکہ صوبے میں شاہراہوں کو بھی جلد از جلد بحال کر دیا گیا ہے۔

مشہور خبریں۔

عالمی سطح پر قیمتیں کم ہوں گی تو پاکستان میں بھی کم ہوجائیں گی

?️ 4 دسمبر 2021اسلام آباد (سچ خبریں)  تفصیلات کے مطابق وفاقی وزیرتوانائی حماد اظہرنے اپنے

ملک میں عید فطر منائی جا رہی ہے

?️ 13 مئی 2021اسلام آباد (سچ خبریں) ملک بھر میں عیدالفطر کورونا وائرس کے باعث

ایران کے ساتھ جنگ ​​ایل ال کے منافع کا ایک چوتھائی حصہ کھا جاتی ہے

?️ 31 اگست 2025سچ خبریں: ایران کے ساتھ جنگ ​​نے اسرائیلی ایئرلائن ال ال کے

عمران اشرف سے پوچھا جائے انہوں نے طلاق کیوں دی؟ سابق اہلیہ کرن اشفاق

?️ 21 فروری 2023کراچی: (سچ خبریں) اداکار عمران اشرف کی سابقہ اہلیہ ماڈل و اداکارہ

پاکستان اور روس کے درمیان مال بردار ٹرین اگلے ماہ چلانے کا اعلان

?️ 15 جولائی 2025اسلام آباد (سچ خبریں) پاکستان اور روس کے درمیان مال بردار ٹرین

اسرائیلی پولیس کی نیتن یاہو کے بیٹے اور اس کے معاونین کی جاسوسی

?️ 8 فروری 2022سچ خبریں:ایک اسرائیلی اخبار نے اطلاع دی ہے کہ اسرائیلی پولیس نے

آبنائے ہرمز سے متعلق قرارداد کے حامیوں میں اضافے کے لیے امریکی سیاسی دباؤ پر ایران کا ردِعمل

?️ 14 مئی 2026سچ خبریں: اقوام متحدہ میں جمہوری اسلامی ایران کی نمائندگی نے آبنائے

سی آئی اے کے سابق سربراہ نے دوسرے ممالک کے انتخابات میں مداخلت کا اعتراف کیا

?️ 23 جولائی 2022سچ خبریں:   کچھ صارفین نے یاد دلایا ہے کہ جیمز وولسی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے