پاک ویک کی دوسری کھیپ وفاقی حکومت کے حوالے کر دی گئی

?️ 28 جون 2021

اسلام آباد (سچ خبریں) پاک ویک کورونا ویکسین کی 1 لاکھ 91 ہزار ڈوز وفاقی حکومت کے حوالے کردی گئی، وزارت صحت کے مطابق کورونا ویکسین کی دوسری کھیپ مکمل طور پر پاکستانی ماہرین نے تیار کی ہے پاک ویک کوروناویکسین کل سےدستیاب ہوگی۔

تفصیلات کے مطابق پاک ویک کوروناویکسین کی دوسری کھیپ وفاقی حکومت کے حوالے کردی گئی ، ذرائع کا کہنا ہے کہ پاک ویک ویکسین کی دوسری کھیپ1 لاکھ 91 ہزار ڈوز پر مشتمل ہے۔وزارت صحت کا کہنا ہے کہ قومی ادارہ صحت کی تیارکردہ پاک ویک کورونا ویکسین سنگل ڈوز ہے اور پاک ویک ویکسین کی دوسری کھیپ مکمل طور پر پاکستانی ماہرین نے تیار کی ہے۔

ذرائع این آئی ایچ کے مطابق پاک ویک کوروناویکسین کل سےدستیاب ہوگی، ڈریپ سےپاک ویک کی دوسری کھیپ کےاستعمال کا اجازت نامہ دے دیا ہے اورپاک ویک کوڈریپ کااین سی ایل بی لاٹ ریلیز سرٹیفکیٹ بھی جاری کردیا ہے۔

پاک ویک ویکسین کی پہلی کھیپ 1 لاکھ 8 ہزارڈوزکی تھی اور چینی ٹیم کی زیرنگرانی تیارکی گئی تھی، پاکستان کوویکسین کیلئے خام مال چینی کمپنی نےفراہم کیاہے۔پاک ویک کی تیاری کیلئے9 لاکھ ڈوزکاخام مال موجودہے، ملک میں آئندہ ماہ سےبڑےپیمانےپرپاک ویک کی تیاری کاآغازہوگا، اس دوران قومی ادارہ صحت پاک ویک کی یومیہ ایک لاکھ ڈوز تیار کرے گا۔