پاکستان نے بھارتی فوجی تنصیبات کو نشانہ بنا کر بھرپور دفاع کیا۔ قمر زمان کائرہ

?️ 16 مئی 2025

اسلام آباد (سچ خبریں) رہنما پیپلزپارٹی قمر زمان کائرہ نے کہا ہے کہ پاکستان نے بھارت کی فوجی تنصیبات کو نشانہ بنا کر اپنا بھرپور دفاع کیا۔

تفصیلات کے مطابق قمر زمان کائرہ نے میڈیا سے گفتگو کرتے ہوئے کہا ہے کہ پاکستان نے اپنے دفاع کا حق استعمال کیا، بھارت نے پاکستان میں معصوم شہریوں کو نشانہ بنایا۔

ذرائع کے مطابق انہوں نے کہا کہ پاکستان نے بھارت کی فوجی تنصیبات کو نشانہ بنایا، پاکستان نے اپنا بھرپور دفاع کیا، ہمیں بلاول بھٹو کی پالیسیوں پر فخر ہے، انہوں نے بین الاقوامی سطح پر پاکستان کا بھرپور مقدمہ لڑا۔

رہنما پیپلز پارٹی کا مزید کہنا تھا کہ بھارت مقبوضہ کشمیر میں جبر کر رہا ہے، مسئلہ کشمیرحل ہونے تک خطے میں پائیدار امن قائم نہیں ہوسکتا، پاکستان اور بھارت کے درمیان اصل مسئلہ کشمیر ہے، کشمیر مسئلہ کو حل ہونا چاہیے۔