اسلام آباد (سچ خبریں) وزیراعلیٰ عثمان بزدار کی زیر صدارت ریسورس موبلائزیشن کمیٹی کا اجلاس ہوا، جس میں 50 ارب سے زائد کورونا ٹیکس ریلیف دینے کا اصولی فیصلہ کیا گیا۔وزیر اعلیٰ عثمان بزدار نے ہدایت کی بجٹ میں کورونا ٹیکس ریلیف جاری رکھا جائے اور مخصوص سروسز پر ٹیکس کی شرح مزید کم کی جائے۔ان کا کہنا تھا کہ ٹیکس کم سے کم اور سہولتیں زیادہ سے زیادہ کی پالیسی پر عمل کیا جائے۔
ادہر پنجاب کے سابق وزیر اعلی شہباز کو تنقید کا نشانہ بناتے ہوئے شہزاد اکبر نے کہا کہ مسلم لیگ (ن) کے صدر اور اپوزیشن لیڈر شہباز شریف کے ملک سے باہر جانے سے متعلق تمام درخواستیں واپس لینے کے فیصلے پر شہزاد اکبر نے کہا کہ شہباز شریف بہانے سے پاکستان سے بھاگنے کی کوشش کر رہے تھے۔
شہزاد اکبر نے کہا کہ قانونی معاونت کے لیے وکلا کی آفر اب بھی موجود ہے۔خیال رہے کہ شہباز شریف نے بلیک لسٹ سے نام نکلوانے اور ملک سے باہر جانے کی اجازت کے فیصلے پر عمل درآمد سے متعلق تمام درخواستیں واپس لینے کا فیصلہ کیا ہے۔
اپوزیشن لیڈر نے درخواستیں واپس لینے کے لیے لاہور ہائیکورٹ سے رجوع کرلیا۔جسٹس علی باقر نجفی 24 مئی کو شہباز شریف کی اس درخواست پر معاملے کی سماعت کریں گے۔
