وزیراعظم کی چینی ہم منصب کے زیرِ صدارت اجلاس میں شرکت، غیررسمی گفتگو

?️ 24 ستمبر 2025

اسلام آباد (سچ خبریں) وزیراعظم محمد شہباز شریف نے اقوام متحدہ کی جنرل اسمبلی کے 80ویں اجلاس کے موقع پر نیویارک میں عالمی ترقیاتی اقدام (GDI) کے اعلیٰ سطح اجلاس میں شرکت کی۔

اجلاس کی صدارت چین کے وزیراعظم لی چیانگ نے کی، جس کا موضوع تھا: Recommit to our Original Aspirations, United to Build a Brighter Future for Development ۔

اِس موقع پر وزیراعظم شہباز شریف نے چینی وزیراعظم کے ساتھ ملاقات اور غیر رسمی گفتگو بھی کی جب کہ اجلاس میں شریک اقوام متحدہ کے سیکریٹری جنرل انتونیو گوتریس سے بھی تبادلہ خیال کیا۔

وزیراعظم کی اِس اجلاس میں شرکت پاک چین مثالی دوستی اور دونوں ممالک کے گہرے تعلقات کی عکاسی کرتی ہے،اُنہوں نے گزشتہ ماہ اپنے دورہ چین کے دوران صدر شی جنپنگ کے GDI ویژن کو خطے اور دنیا میں پائیدار ترقی کے لیے ایک اہم اقدام قرار دیا تھا۔