وزیراعظم شہباز شریف سے نو منتخب قومی اسمبلی اراکین کی ملاقات

?️ 25 نومبر 2025

اسلام آباد (سچ خبریں) وزیراعظم شہباز شریف سے نو منتخب قومی اسمبلی اراکین کی ملاقات ہوئی، جس میں اراکین نے انہیں ضمنی انتخابات میں اپنی کامیابی کے بارے میں آگاہ کیا۔

وزیراعظم نے نو منتخب اراکین قومی اسمبلی کو ضمنی انتخابات میں کامیابی پر دل کی گہرائیوں سے مبارکباد دی اور ان کے لیے نیک خواہشات کا اظہار کیا۔ شہباز شریف نے کہا کہ امید ہے آپ اپنے حلقے کے عوام کی فلاح و بہبود کے لیے دل جمعی اور سنجیدگی کے ساتھ کام کریں گے اور عوام کے مسائل کے حل میں پیش پیش رہیں گے۔

ملاقات کے دوران وزیراعظم نے اراکین کو اس عزم کی یاد دہانی کرائی کہ عوام کی خدمت اور نمائندگی قومی ذمہ داری ہے، اور ہر رکن کو اس فریضے کو احسن طریقے سے نبھانا چاہیے۔ انہوں نے کہا کہ اراکین کو اپنے حلقے کے ترقیاتی منصوبوں پر خصوصی توجہ دینی چاہیے اور عوام کی بنیادی سہولیات کو یقینی بنانے کے لئے عملی اقدامات کرنے ہوں گے۔

اس موقع پر اراکین نے وزیراعظم کا شکریہ ادا کیا اورکہا کہ وہ عوام کی خدمت کو اولین ترجیح بنائیں گے اور اپنی ذمہ داری کو ایمانداری سے ادا کریں گے۔ ملاقات کے اختتام پر وزیراعظم نے نو منتخب اراکین کی کامیابی کی دعا کی اور انہیں مستقبل کے کاموں کے لیے حوصلہ افزائی کی۔