نئے بیلسٹک میزائل سے متعلق فواد چوہدری کا اہم بیان

🗓️ 26 نومبر 2021

اسلام آباد(سچ خبریں) وفاقی وزیر اطلاعات فواد چوہدری نئے بیلسٹک میزائل کے کامیاب تجربے کے بعد اہم بیان دیتے ہوئے کہا ہے کہ  نئے بیلسٹک میزائل کا کامیاب تجربہ دفاعی طاقت میں اہم اضافہ ہے، انشاللہ ہماری قوت حزب اس شاندار اضافے سے مزید مؤثر ہوگی۔

تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان کا میزائل پروگرام دنیا کے چند بہترین پروگرامز سے ہے، نئے بیلسٹک میزائل کا کامیاب تجربہ دفاعی طاقت میں اہم اضافہ ہے، ان شاءللہ ہماری قوت حزب اس شاندار اضافے سے مزید مؤثر ہوگی۔

گذشتہ روز پاکستان نے شاہین ون اے بیلسٹک میزائل کا کامیاب تجربہ کیا تھا ، اس موقع پر زمین سے زمین تک مار کرنے والے میزائل کے ڈیزائن اور ٹیکنیکل امور کا کامیاب مشاہدہ کیا۔ ڈی جی ایس پی ڈی نے کامیاب تجربے پر سائنسدانوں اور انجینئرز کو مبارکباد دیتے ہوئے سائنسدانوں اور انجینئرز کے عزم اور تکنیکی مہارتوں کو سراہا۔

واضح رہے کہ یلسٹک میزائل کے کامیاب تجربے پر صدر مملکت عارف علوی، وزیر اعظم عمران خان اور عسکری قیادت سمیت ملک کے اہم رہنماؤں نے بھی اس اہم کامیابی پر سائنسدانوں اور انجینئرز کو مبارکباد پیش کی تھی۔