مسلم لیگ ق کا حکومت سے چوہدری شجاعت حسین سے غیرمشروط معافی مانگنے کا مطالبہ

🗓️ 30 اپریل 2023

لاہور: (سچ خبریں) مسلم لیگ ق نے حکومت سے چوہدری شجاعت حسین سے غیرمشروط معافی مانگنے کا مطالبہ کردیا۔ تفصیلات کے مطابق سابق گورنرپنجاب و پاکستان مسلم لیگ ق کے چیف آرگنائزرچوہدری سرور نے حکومت سے مطالبہ کرتے ہوئے کہا ہے کہ حکومت چوہدری شجاعت حسین سے غیرمشروط معافی مانگے، شہبازشریف اور آصف علی زرداری چوہدری شجاعت حسین سے رابطہ کرکے معذرت کریں، حکومتی عہدیداران یقینی بنائیں کہ ائندہ ایساکوئی واقعہ رونما نہ ہو۔
چوہدری سرورنے مزید کہا کہ کوئی دوست ہو یا دشمن ہم کسی کے ساتھ بھی زیادتی پسند نہیں کرتے، بغیروارنٹ پولیس کیسے چوہدری شجاعت کی رہائش میں داخل ہوئی اس کی انکوائری بھی ہونی چاہیے۔ انہوں نے کہا کہ چوہدری شجاعت حسین کے گھر بغیر وارنٹ پولیس کا چھاپہ قابل مذمت ہے، چادر چار دیواری کے تقدس کو پامال کرنا کسی صورت قبول نہیں، آدھی رات کو کسی کے گھرزبردستی گھسنا جمہوری طرز عمل نہیں، پولیس کا چوہدری شجاعت حسین کے گھر کے شیشے توڑنا شرمناک اور قابل تشویش ہے۔
اسی طرح مسلم لیگ ق کے صدر چوہدری شجاعت حسین کے صاحبزادے چوہدری شافع نے بھی پرویزالٰہی کے گھر پر دھاوے کی مذمت کی ہے، چوہدری شافع حسین کا کہنا ہے کہ جو طریقہ کل اپنایا گیا اداروں کو ہوش کے ناخن لینے چاہئیں، جس طرح آدھی رات کو دروازےتوڑے گئے وہ تشویشناک ہے، ایسے توکسی اشتہاری کیلئے کارروائی کی جاتی ہے، اداروں کو ٹریننگ کی ضرورت ہے، ہمارے گھر کے بھی شیشے اور دروازے توڑے گئے، شیشے لگنے سے میں اور چوہدری سالک حسین زخمی ہوئے۔

چوہدری سرورنے کہا کہ کوئی دوست ہو یا دشمن ہم کسی کے ساتھ بھی زیادتی پسند نہیں کرتے، بغیروارنٹ پولیس کیسے چوہدری شجاعت کی رہائش میں داخل ہوئی اس کی انکوائری بھی ہونی چاہیے۔ انہوں نے کہا کہ چوہدری شجاعت حسین کے گھر بغیر وارنٹ پولیس کا چھاپہ قابل مذمت ہے

Short Link

Copied