مسلم دنیا کا اپنے دفاع کیلئے باہمی اتحاد و اتفاق ناگزیر ہوچکا۔ مولانا فضل الرحمان

?️ 16 ستمبر 2025

اسلام آباد (سچ خبریں) امیر جمعیت علما اسلام مولانا فضل الرحمان نے کہا کہ مسلم دنیا کا اپنے دفاع کے لئے باہمی اتحاد و اتفاق ناگزیر ہوچکا ہے، دوحہ کانفرنس اسلامی دنیا کے وحدت کیلئے نقطہ آغاز ثابت ہوگا۔

امیر جمیت علما اسلام مولانا فضل الرحمان نے قطر کے سفارتخانے کا دورہ کیا، مولانا فضل الرحمان کی قطر کے سفیر علی بن مبارک الخاطر سے ملاقات ہوئی۔

مولانا فضل الرحمان نے قطر پر اسرائیلی حملے کی مذمت، قطر کے ساتھ اظہار یکجہتی کیا اور کہا کہ عرب اسلامی سربراہی اجلاس کا فوری انعقاد قابل تحسین ہے۔

جمعیت علمائے اسلام کے سربراہ نے کہا کہ امت مسلمہ کے مابین باہمی دفاعی معاہدے کی ضرورت ہے، اسرائیلی جارحیت کا مقابلہ کرنا ہوگا۔

قطرکے سفیر علی بن مبارک نے مولانا فضل الرحمان کے اظہار یکجہتی پر شکریہ ادا کیا اور کہا کہ اسرائیلی حملے کے موقع پر پاکستانی قوم کی جانب سے اظہار یکجہتی قابل تحسین ہے۔