?️
اسلام آباد: (سچ خبریں) وزیر مذہبی امور سردار محمد یوسف نے واضح کیا ہے کہ حکومت کوئی مزید حج کوٹہ نہیں دے رہی، نجی اسکیم کے جو عازمین رہ گئے ہیں وہ اب نہیں جا سکیں گے، نجی شعبہ کے تحت 25 ہزار 698 عازمین فریضہ حج ادا کر سکیں گے۔
سرکاری خبر رساں ادارے ’اے پی پی‘ کی رپورٹ کے مطابق اسلام آباد میں پریس کانفرنس سے خطاب کرتے ہوئے وزیر مذہبی امور کا کہنا تھا کہ حج پالیسی نومبر میں منظور ہوئی، اب تک اس پر عملدرآمد مجھ سے پہلے ہوا ہے، مارچ میں وزارت کا چارج سنبھالنے کے بعد حج انتظامات کا جائزہ لینے کیلئے دو مرتبہ سعودی عرب کا دورہ کیا، حج پالیسی کے تحت پاکستان کا کوٹہ 50 فیصد سرکاری اور 50 فیصد پرائیویٹ اسکیم میں تقسیم کیا گیا، سرکاری اسکیم کا کوٹہ مکمل کر لیا گیا جبکہ پرائیویٹ اسکیم میں ایچ جی اوز اور منظمہ اس پر عملدرآمد نہیں کر سکے۔
انہوں نے کہا کہ سعودی تعلیمات میں وہ مکمل شریک تھے مگر انہوں نے اس معاملہ پر تاخیر کی، وہ کمپنیز کے تحت آر ایل مانگتے رہے حالانکہ 2024ء میں طے ہوا تھا کہ 500 کا کلسٹر ہو گا جس کمپنی کے پاس 2000 کا عدد ہو گا اس کو سہولت فراہم کی جائے گی، 904 کمپنیوں نے اس کلسٹر کو پورا کیا، ہوپ (نجی ٹور آپریٹرز کی تنظیم) ان 41 کلسٹرز کو آگے بڑھاتی ہے۔
سردار محمد یوسف کا کہنا تھا کہ 14 فروری کی ڈیڈ لائن تھی، مشاعر کدانہ میں 25 فیصد رقوم صرف 3 ہزار 600 کی جمع ہوئیں، پھر ایک ہفتہ کی توسیع دی گئی مگر پھر بھی 10 ہزار 600 کی رقوم جمع ہو سکیں۔
انہوں نے کہا کہ سعودی حکومت کی یہ پالیسی پوری دنیا کے لیے تھی مگر اس کے باوجود ہم نے درخواست کی، وزیراعظم نے بھی اس کا نوٹس لیا اور وزیر خارجہ کی درخواست پر سعودی حکومت نے پاکستان کے کوٹہ میں 10 ہزار کا اضافہ کر دیا۔
ان کا کہنا تھا کہ نجی شعبہ کے تحت 25 ہزار 698 عازمین فریضہ حج ادا کر سکیں گے، بعض ٹور آپریٹرز کہتے ہیں کہ انہیں ڈیڈ لائن کا نہیں بتایا گیا حالانکہ وزارت مذہبی امور نے انہیں متعدد بار خطوط لکھے۔
انہوں نے کہا کہ وزیراعظم نے رہ جانے والے عازمین کے معاملہ پر کمیٹی بنا دی، جو رپورٹ دے گی اس کے تحت ذمہ داران کے خلاف کارروائی کی جائے گی۔
سردار محمد یوسف کا مزید کہنا تھا کہ میں نے سعودی عرب کا دورہ کیا ہے اور سرکاری اسکیم کے عازمین سے خود مسائل معلوم کیے ہیں، وزارت نے بہترین انتظامات کیے، کھانے، ٹرانسپورٹ اور رہائش سب کچھ اچھا چل رہا ہے، اگر کسی کو کوئی مسئلہ ہے تو وہاں پر وزات کے عملے سے رجوع کرے۔
انہوں نے کہا کہ سرکاری سکیم کے تحت عزیزیہ میں رہائش پذیر عازمین کے لیے ٹرانسپورٹ کا مناسب انتظام موجود ہے، سرکاری اسکیم کے عازمین 8 سے 9 سیکٹروں میں رہائش پذیر ہیں، حج معاونین حاجیوں کی خدمت میں مصروف عمل ہیں، 31 مئی کو آخری حج پرواز حجاز مقدس روانہ ہوگی۔
عازمین حج کی ٹرانسپورٹ اور کھانے کی شکایات سے متعلق سوال کا جواب دیتے ہوئے انہوں نے کہا کہ جو شکایات آئی ہیں انہیں دور کریں گے، جس کمپنی نے صحیح کھانا نہ دیا اسے بلیک لسٹ کر دیا جائے گا، انہوں نے کہا کہ یہ بھی دیکھیں گے کہ سعودی حکومت کی طرف سے بلیک لسٹ کمپنی کو کیسے ٹھیکہ دیا گیا۔
سیکریٹری مذہبی امور نے کہا کہ نجی ٹور آپریٹرز کی رقوم غلط سرکاری اکاؤنٹ میں منتقل ہوئیں، جس سے بکنگ تاخیر کا شکار ہوئی۔


مشہور خبریں۔
فلسطینیوں کا یہودی کالونی پر حملہ، دو فوجیوں سمیت تین افراد جہنم واصل ہوگئے
?️ 19 مئی 2021غزہ (سچ خبریں) ایک طرف جہاں دہشت گرد ریاست اسرائیل کی جانب
مئی
نئے ٹیکس سے ملک میں ادویات مہنگی ہو گئی
?️ 12 جولائی 2021اسلام آباد (سچ خبریں ) تفصیلات کے مطابق رواں مالی سال کے
جولائی
ایران امریکہ معاہدے پر کویت اور سعودی عرب کا رد عمل
?️ 15 جون 2026سچ خبریں:کویت اور سعودی عرب نے ایران اور امریکہ کے درمیان فوجی
جون
روسی سکیورٹی اہلکاروں کے ہاتھوں ماسکو میں داعش کی دہشت گردانہ کاروائی ناکام
?️ 1 جولائی 2021سچ خبریں:اسپوٹنک نیوز ایجنسی کی رپورٹ کے مطابق روس کی فیڈرل سکیورٹی
جولائی
خیبرپختونخوا کو دہشت گردوں سے تشبیہ دینے پر پی ٹی آئی رہنماؤں کی مریم نواز پر تنقید
?️ 7 اپریل 2024اسلام آباد: (سچ خبریں) پاکستان تحریک انصاف (پی ٹی آئی) کے رہنماؤں
اپریل
مغربی ممالک یوکرین کی کیسے جہنم میں ڈھکیلنے والے ہیں؟
?️ 18 نومبر 2023سچ خبریں: یوکرین کے سابق صدر کے مشیر نے دعویٰ کیا کہ
نومبر
وفاقی حکومت کا 5 سالہ نجکاری پلان سامنے آگیا، 24 اداروں کی نجکاری کی جائے گی
?️ 14 اکتوبر 2024اسلام آباد: (سچ خبریں) وفاقی حکومت کی جانب سے 5 سال 29-2024
اکتوبر
شہریوں پر مہلک امریکی حملوں کے نئے شواہد کا انکشاف
?️ 20 دسمبر 2021سچ خبریں: نیویارک ٹائمز نے رپورٹ کیا ہے کہ پینٹاگون کی خفیہ دستاویزات
دسمبر