?️
اسلام آباد:(سچ خبریں) ایسے میں کہ جب لاہور ہائی کورٹ کا لارجر بینچ پیر کو سابق وزیر اعظم عمران خان کے خلاف درج 121 مقدمات کو کالعدم قرار دینے کی درخواست پر دوبارہ سماعت شروع کرنے والا ہے، پاکستان تحریک انصاف کے سربراہ نے ویڈیو لنک کے ذریعے پیشی کی اجازت حاصل کرنے کے لیے ایک نئی درخواست دائر کردی۔
زیر التوا مرکزی درخواست میں دائر ایک متفرق درخواست میں عمران خان کا کہنا تھا کہ ان کے خلاف بہت سارے ’جھوٹے‘ مقدمات درج کیے گئے ہیں اور انہیں اپنے دفاع کے لیے مختلف عدالتی فورمز کے سامنے بار بار پیش ہونا پڑ رہا ہے۔
پی ٹی آئی کے سربراہ نے استدعا کی کہ عدالتی فورم کے سامنے اپنی پیشی کے ہر موقع پر سابق وزیر اعظم کی حیثیت سے حقدار ہونے کے باوجود انہیں سیکیورٹی فراہم نہ کیے جانے کی وجہ سے ان کی جان کو شدید خطرات کا سامنا ہے۔
اس نے عرض کی کہ سماعتوں کے لیے ویڈیو لنک کے ذریعے پیش ہونے کی اجازت دینا فوجداری نظام انصاف کی انتظامیہ کے لیے سستا اور قابل عمل ہوگا، کیونکہ اس طرح ان کی عدالت میں پیشی کے موقع پر ہزاروں سیکیورٹی اہلکاروں کو تعینات کرنے کی ضرورت نہیں ہوگی۔
درخواست گزار نے عدالت سے استدعا کی کہ انصاف کے مفاد میں لاہور ہائی کورٹ کے دائرہ اختیار میں ان کے خلاف تمام مقدمات میں جدید اور سائنسی آلات کی مدد سے ویڈیو لنک کے ذریعے حصہ لینے اور پیش ہونے کی اجازت دی جائے۔
انہوں نے عدالت سے یہ بھی استدعا کی کہ وہ جواب دہندگان/ حکام کو اس کی سہولت فراہم کرنے اور اس سلسلے میں ضروری انتظامات کرنے کی ہدایت کرے۔
جسٹس علی باقر نجفی کی سربراہی میں پانچ رکنی لارجر بینچ نے 2 مئی کو پی ٹی آئی چیئرمین کو ان کے خلاف مقدمات کی تحقیقات میں شامل ہونے کی ہدایت کی تھی۔ بینچ نے مشترکہ تحقیقاتی ٹیم (جے آئی ٹی) کو بھی پیر کو اپنی رپورٹ پیش کرنے کی ہدایت کی تھی۔
بینچ کے دیگر ارکان میں جسٹس عالیہ نیلم، جسٹس طارق سلیم شیخ، جسٹس انوارالحق پنوں اور جسٹس محمد امجد رفیق شامل ہیں۔
جمعے کو جے آئی ٹی نے سابق وزیراعظم کا بیان ریکارڈ کرنے اور پی ٹی آئی کارکنوں کی جانب سے پولیس ٹیموں پر تشدد اور حملوں کے شواہد اکٹھے کرنے کے لیے زمان پارک کا دورہ کیا تھا۔
مشہور خبریں۔
جنوبی شام میں داعش کا ایک رہنما ہلاک
?️ 16 اگست 2022سچ خبریں:داعش تکفیری گروہ کی فوجی کارروائیوں کا انچارج ابو عمر جبابی
اگست
مجلس وحدت المسلمین اور ملی یکجہتی کونسل کی جانب سے یوم قدس کی مناسبت سے مشترکہ تقریب کا انعقاد کیا گیا
?️ 7 مئی 2021اسلام آباد (سچ خبریں) آج دنیا بھر میں امریکا اور اسرائیل کے
مئی
یمن کی جنگ ہماری سوچ سے زیادہ طولانی ہو گئی: فیصل بن فرحان
?️ 24 فروری 2022سچ خبریں: سعودی وزیر خارجہ فیصل بن فرحان نے ایک بیان میں
فروری
یوم القدس مستکبرین کے ساتھ مقابلے کا دن ہے:حزب اللہ کے سکریٹری جنرل
?️ 30 مارچ 2025 سچ خبریں:حزب اللہ کے سکریٹری جنرل شیخ نعیم قاسم نے یوم
مارچ
کیا شام پھر سے داعش کے ہاتھوں میں جا رہا ہے؟ برطانوی اخبار کی رپورٹ
?️ 23 دسمبر 2024سچ خبریں:برطانوی اخبار ٹائمز نے شام میں داعش کے دوبارہ طاقتور ہونے
دسمبر
ریگن انتظامیہ کے قومی سلامتی کے مشیر مک فارلین کا انتقال
?️ 14 مئی 2022سچ خبریں: امریکی میڈیا نے سابق صدر رونالڈ ریگن کی انتظامیہ کے
مئی
امریکہ ہمارے اندرونی معاملات میں مداخلت نہ کرے:تیونس کے صدر
?️ 31 اگست 2022سچ خبریں:تیونس کے صدر نے امریکی وزیر خارجہ کے امور مشرق قریب
اگست
کابینہ نے فلسطین، لبنان میں امدادکیلئے وزیراعظم ریلیف فنڈ قائم کرنے کی منظوری دے دی
?️ 9 اکتوبر 2024اسلام آباد: (سچ خبریں) وفاقی کابینہ نے فلسطین اور لبنان میں اسرائیلی
اکتوبر