اسلام آباد(سچ خبریں) وزیر اطلاعات و نشریات فواد چوہدری نے ٹی ٹوئنٹی ورلڈکپ میں بھارت کی پہلی فتح پر طنزیہ ٹوئٹ کرتے ہوئے بھارتی ٹیم کو سیمی فائنل میں پہنچنے کا راستہ بتا دیا ہے انہوں نے بھارت اور نیوزی لینڈ کو ٹرول کرتے ہوئے لکھا کہ اگر بھارت سیکیورٹی خدشات کی جعلی ای میل نیوزی لینڈ کو بھیجے تو بھارت سیمی فائنل میں پہنچ سکتا ہے۔
فواد چوہدری نے ایک میم ٹوئٹ کی اور اپنی ٹوئٹ میں انہوں نے ’ٹی ٹوئنٹی میمز‘ کا ہیش ٹیگ بھی استعمال کیا۔وفاقی وزیر نےبھارت اور نیوزی لینڈ کو ٹرول کرتے ہوئے لکھا کہ بھارت اب بھی سیمی فائنل میں پہنچ سکتا ہے اگر وہ سکیورٹی خدشات کی جعلی ای میل نیوزی لینڈ کو بھیجے۔
فواد چوہدری نے طنزیہ ٹوئٹ میں کہا کہ جعلی ای میل پر نیوزی لینڈ متحدہ عرب امارات چھوڑ دے تو بھارت سیمی فائنل میں پہنچ سکتا ہے۔یاد رہے کہ ستمبر میں نیوزی لینڈ کی ٹیم نے پاکستان میں پہلا ون ڈے میچ ہونے سے کچھ دیر قبل سکیورٹی خدشات کو جواز بناکر پاکستان سے کھیلی جانے والی سیریز منسوخ کردی تھی۔
واضح رہے کہ کل رات بھارت اور افغانستان کے درمیان میں بھارت نے افغانستان کو 66 رنوں سے میچ ہرا کر ٹی ٹونٹی ورلڈکپ میں اپنی پہلی فتح درج کی ہے، بھارت نے بیس اوور میں 210 رن بنائے اور جواب میں افغانستان کی ٹیم یہ ہدف پورا نہ کر سکی اور وہ چھیاسٹھ رنوں سے یہ میچ ہار گئی۔
