فلسطین اور کشمیر کا مسئلہ حل نہ ہونا عالمی برادری کا دہرا معیار ظاہر کرتا ہے۔ اسحاق ڈار

?️ 22 جولائی 2025

اسلام آباد (سچ خبریں) اسحاق ڈار کا کہنا ہے کہ فلسطین اور کشمیر کا مسئلہ حل نہ ہونا عالمی برادری کا دہرا معیار ظاہر کرتا ہے۔

تفصیلات کے مطابق اقوام متحدہ کی سلامتی کونسل کے مذاکرہ کے شرکا سے خطاب کرتے ہوئے نائب وزیراعظم و وزیر خارجہ اسحاق ڈار نے کہا کہ پاکستان کی جانب سے پیش کی گئی قرار دار کی منظوری خوش آئند ہے، ہم اقوام متحدہ کے چارٹر آف ڈیمانڈ پر عمل درآمد کے لیے پرعزم ہیں۔ ان کا کہنا تھا کہ بھارت نے پانی کو پاکستان کے خلاف بطور ہتھیار استعمال کیا،آج کا مباحثہ پرامن تنازعات کو حل کرنے کا عکاس ہے، پاکستان دنیا بھر میں امن کا خواہش مند ہے۔

ذرائع کے مطابق اسحاق ڈار نے کہا کہ تنازعات کا حل مذاکرات اور سفارت کاری کے ذریعے ہی ممکن ہے، فلسطین اور کشمیر کا مسئلہ حل نہ ہونا عالمی برادری کا دہرا معیار ظاہر کرتا ہے، فلسطین میں 58 ہزار سے زیادہ افراد کو شہید کیا جاچکا ہے۔

نائب وزیراعظم و وزیر خارجہ کا مزید کہنا تھا کہ مسئلہ فلسطین کے دو ریاستی پرامن حل کے لیے پرامید ہیں، مسئلہ کشمیر سلامتی کونسل کے ایجنڈے کا دیرینہ حل طلب معاملہ ہے، تنازعات کا پرامن حل پائیدارعالمی امن کی ضمانت ہے۔