عظمی بخاری کا مبشر لقمان اور نعیم حنیف کیخلاف ہتک عزت کا مقدمہ کرنے کا اعلان

?️ 25 ستمبر 2025

لاہور (سچ خبریں) وزیر اطلاعات و ثقافت پنجاب عظمی بخاری نے اینکرز مبشر لقمان اور نعیم حنیف کے خلاف ہتک عزت کا مقدمہ درج کروانے کا فیصلہ کیا ہے۔ انہوں نے کہا کہ دونوں کے خلاف پیکا ایکٹ کے تحت بھی کارروائی کی درخواست دی جائے گی۔

عظمی بخاری نے کہا کہ کسی کو ذاتی کردارکشی کی اجازت نہیں دی جاسکتی، یہ ناقابلِ برداشت عمل ہے۔ مجھ سے جھوٹی باتیں منسوب کرنا بھی بدترین صحافتی بدیانتی ہے۔

انہوں نے کہا کہ صحافت کے مقدس لبادے میں چھپی ’’کالی بھیڑوں‘‘ کو مزید برداشت نہیں کیا جاسکتا۔ صحافی تنظیموں کو ایسے عناصر کا بائیکاٹ کرنا چاہیے۔

عظمی بخاری کا کہنا تھا کہ اس طرح کے افراد نہ صرف صحافت کے وقار کو مجروح کرتے ہیں بلکہ پروفیشنل صحافیوں کے لیے بھی نقصان دہ ہیں۔