شہدا کو سلام پیش کرتا ہوں، کوئی بھی ملک کو نقصان نہیں پہنچا سکتا۔ سرفراز بگٹی

?️ 31 جنوری 2026

کوئٹہ (سچ خبریں) وزیراعلیٰ بلوچستان میر سرفراز بگٹی نے کہا کہ وزیرداخلہ کا مشکور ہوں تمام مصروفیات چھوڑ کر کوئٹہ پہنچے، وزیرداخلہ محسن نقوی نے اعلیٰ سطح کے سکیورٹی اجلاس کی صدارت کی۔

سرفراز بگٹی کا کہنا تھا کہ شہدا کو سلام پیش کرتا ہوں، کوئی بھی ملک کو نقصان نہیں پہنچا سکتا، سکیورٹی فورسز نے بہترین ردعمل دیا۔

وزیراعلیٰ بلوچستان نے کہا کہ گوادر میں ایک بلوچ فیملی کی عورتوں اور بچوں کو بے دردی سے قتل کیا گیا، سکیورٹی اہلکاروں نے بہادری کے ساتھ دہشت گرد ٹولے کا مقابلہ کیا۔

سرفراز بگٹی نے کہا کہ دہشت گردوں نے گوادر کی لیبر کالونی میں گھس کر بلوچ فیملیز کو قتل کیا۔