سہیل آفریدی کو لاہور میں نعروں کا جواب دینے والا کوئی نہیں ملا۔ عظمی بخاری

?️ 28 دسمبر 2025

لاہور (سچ خبریں) وزیر اطلاعات پنجاب عظمیٰ بخاری نے کہا ہے کہ وزیراعلیٰ خیبرپختونخوا سہیل آفریدی کو لاہور میں نعروں کا جواب دینے والا کوئی نہیں ملا۔

سماجی رابطے کی ویب سائٹ ایکس وزیر اعلی کے پی سہیل آفریدی کے دورہ لاہور پر تبصرہ کرتے ہوئے عظمیٰ بخاری کا کہنا تھا کہ ماشاللہ سٹریٹ موومنٹ کل رات سے بنگلہ دیش کی تصویریں لگا کر خوش ہو رہی تھی۔

اُنہوں نے کہا کہ دن کی روشنی میں پول کھل گیا ان کو کوئی نعروں کا جواب دینے والا بھی نہ ملا، بس بہت سیر کر لی پاکستان کے یورپ لاہور کی اب واپس تشریف لے جائیں۔

وزیراطلاعات پنجاب کا مزید کہنا تھا کہ اب سیر ہوگئی اب جائیں لاہور کو سکھ کا سانس لینے دیں ، پروٹوکول میں لاہور دیکھ لیا، اب خیبر پختونخوا کے لوگوں کی بھی داد رسی کر لیں اور واپس جاکر اُن کی بھی سن لیں۔