ریاست ترلائی حملے کا جواب پوری قوت سے دیگی۔ وزیر دفاع

?️ 6 فروری 2026

اسلام آباد (سچ خبریں) وزیر دفاع خواجہ آصف کا کہنا ہے کہ ریاست ترلائی اسلام آباد حملے کا جواب پوری قوت سے دے گی، نمازیوں کو شہید کرنے والے دین اور وطن کے دشمن ہیں۔

ایک بیان میں انہوں نے کہا کہ مسجد حملے میں ملوث دہشت گرد کا افغانستان آنا جانا ثابت ہوا ہے، بھارت اور طالبان گٹھ جوڑ کے تانے بانے مل رہے ہیں۔

انہوں نے کہا کہ سیکیورٹی گارڈ کے روکنے پر دہشتگرد نے فائرنگ کی، بعد میں دھماکہ کیا، معرکہ حق میں عبرتناک شکست کے بعد بھارت پراکسی وار لڑرہا ہے، بھارت میں اب براہ راست جنگ لڑنے کی ہمت نہیں رہی۔

وزیردفاع خواجہ آصف نے مزید انکشاف کیا کہ خودکش حملہ آور نوشہرہ میں رہائش پذیر تھا، پشاور میں خودکش حملہ آور کے رشتہ داروں کا پتہ چل گیا ہے۔

خودکش حملہ آور ڈیڑھ سال قبل افغانستان سے واپس آیا تھا، خودکش حملہ آور اسلام آباد اکیلا آیا، فی الحال ہینڈلرز سے متعلق تحقیقات کی جارہی ہیں۔