دہشت گردی کے خاتمے کے لئے پاکستان نے اہم کردار ادا کیا ہے: فوادچوہدری

?️ 11 مارچ 2021

اسلام آباد(سچ خبریں) وفاقی وزیر سائنس و ٹیکنالوجی فواد چوہدری نے کہاہے کہ دہشت گردی کو ختم کرنے میں پاکستان نے ایک کلیدی کردار ادا کیا ہے، ڈس انفو لیب کی رپورٹ نے بھارت کی حقیقت کھول کر رکھ دی، انفارمیشن ادارے پاکستان کا امیج بنانے میں ناکام رہے۔

تفصیلات کے مطابق وفاقی وزیر سائنس و ٹیکنالوجی فواد چوہدری نے سیمینار سے خطاب کرتے ہوئے کہاکہ بھارت نے پروپیگنڈہ پر اربوں روپے خرچ کیے،ڈس انفو لیب کی رپورٹ نے بھارت کی حقیقت کھول کر رکھ دی،ہماری پوزیشن ایسی ہے کہ ہمیں جھوٹ بولنے کی ضرورت نہیں،ہمیں عالمی اداروں تھینک ٹینکس کے پاس جانا چاہیے۔

انہوں نے کہاکہ پوری دنیا میں وار فیر تبدیل ہوگیا ہے،امریکہ افغانستان میں جنگ جیت گیا تاہم افغانستان میں ایک جمہوریت کا نظام نہیں بنا سکا،عراق ففتھ جنڑیشن وار کا حصہ ہے،پاکستان کی سب سے بڑی غلظی ہے کہ کہ ہم نے افغانستان وار پہ کوئی کتاب ہی نہیں لکھی،ہم اپنا موقف پوری دنیا کو پہنچانے میں ناکام رہے۔

انہوں نے کہاکہ آئی ایس پی ار نے پاکستان کا موقف بہت احسن انداز میں پیش کیا ،بھارت نے فلم انڈسٹری کے ذریعے اپنا پیغام دنیا تک پہنچایا،پاکستان نے دہشت گردی میں بہت جانیں گوائیں ہیں۔

انہوں نے کہاکہ ہمارا فوکس ہونا چاہیے کہ ہم آئی ایس پی ار اور تھینک ٹینکس کے درمیان ایک سسٹم کیسے قائم کریں،پاکستان اپنا سچ پوری دنیا کو نہیں بتا سکا۔انہوں نے کہاکہ دہشت گردی کو ختم کرنے میں پاکستان نے ایک کلیدی کردار ادا کیا ہے ،انفارمیشن ادارے پاکستان کا امیج بنانے میں ناکام رہے۔