دولت مشترکہ سربراہان حکومت کے اجلاس کے حوالے سے شہباز شریف کا ویڈیو پیغام

?️

اسلام آباد(سچ خبریں)وزیراعظم شہباز شریف نے دولت مشترکہ کے امور نوجوانان کے وزرا کو دورہ پاکستان کی دعوت دیتے ہوئے کہا ہے کہ پائیدار ترقی کے لیے ڈیجیٹل طور طریقوں کا اپنانا ہی کامیابی کی کنجی ہے۔

دولت مشترکہ سربراہان حکومت کے اجلاس کے حوالے سے ویڈیو پیغام میں وزیراعظم شہباز شریف نے کہا کہ ‘اگرچہ میں ذاتی طور پر آپ کے ہمراہ موجود نہیں ہوں تاہم دولت مشترکہ کے معزز سربراہان حکومت کے اس معزز اجتماع سے خطاب کرنا میرے لیے باعث افتخار ہے’۔

انہوں نے کہا کہ ‘میں روانڈا کے عوام، حکومت اور صدر پال کگامے کو اس اجلاس کے انعقاد پر مبارک باد پیش کرتا ہوں اور ان کے کگالی جیسے خوب صورت شہر میں اس اجلاس کے انعقاد پر ان کا انتہائی مشکور ہوں’۔

ان کا کہنا تھا کہ ‘آج ہم یہاں اپنی قوموں کے مستقبل کے بارے میں غور و خوض کے لیے جمع ہوئے ہیں، میں ایسے کثیرالجہتی فورم کو زبردست الفاظ میں سراہتا ہوں’۔

وزیراعظم نے کہا کہ ‘اس سے دولت مشترکہ کے چارٹر کے مطابق ہماری مشترکہ اقدار اور اصولوں پر اچھے اثرات مرتب ہوں گے، دولت مشترکہ کے ممالک کی 60 فیصد سے زائد آبادی نوجوانوں پر مشتمل ہے، انہی نوجوانوں کے ہاتھ میں دنیا کا مستقبل ہے’۔

انہوں نے کہا کہ ‘ٹیکنالوجی اور ڈیجیٹل ذرائع کے ہماری زندگی میں بڑھتے کردار کے سبب ہم اس نتیجے پر پہنچے ہیں کہ تخلیقی، جامع اور پائیدار ترقی کے لیے ڈیجیٹل طور طریقوں کو اپنانا ہی کامیابی کی کنجی ہے’۔

ان کا کہنا تھا کہ ‘میرا عزم ہے کہ ہم ایسے اقدامات کریں جن کی مدد سے معاشروں کے درمیان موجود ڈیجیٹل ترقی کی تقسیم کم تر کی جاسکے اور ہم اپنے ہاں ڈیجیٹل خواندگی کو فروغ دیں’۔

وزیراعظم نے کہا کہ ‘اپنی آبادی کو ہر طرح کی تعلیمی اور تدریسی سرگرمیوں کے ذریعے ڈیجیٹل مہارتوں سے لیس کریں’۔

ان کا کہنا تھا کہ ‘میں انتہائی فخر سے اس موقع سے فائدہ اٹھاتے ہوئے یہ اعلان کر رہا ہوں کہ پاکستان کو یہ اعزاز بخشا گیا ہے کہ دولت مشترکہ ممالک کے امور نوجوانان کے وزرا کی 10 ویں کانفرنس کی میزبانی جنوری 2023 میں پاکستان کے وفاقی دارالحکومت اسلام آباد کرے گا’۔

وزیراعظم شہباز شریف نے کہا کہ ‘میں دولت مشترکہ کے امور نوجوانان کے وزرا کو دورہ پاکستان کی دعوت دیتا ہوں کہ وہ ہمارے ملک کے حسن اور تنوع کا جائزہ لے سکیں اور ہمیں اپنی مہمان نوازی کا موقع دیں’۔

آخر میں انہوں نے کہا کہ ‘ہم دولت مشترکہ کی نوجوان نسل کی ترقی کے مشترکہ مقاصد کے حصول کی مد میں اپنا کردار ادا کرنے کے لیے ہمیشہ تیار ہیں’۔

خیال رہے کہ روانڈا کے شہر کگالی میں دولت مشترکہ سربراہان حکومت کا 2022 کا اجلاس 20 سے 25 جون تک شیڈول تھا جبکہ 24 جون سے 25 جون تک سربراہان کا اعلیٰ سطح کا اجلاس ہوا، اس سے قبل وزارتی اجلاس، غیررسمی ملاقاتیں اور دیگر سمیت چار مختلف فورمز پر ملاقاتیں ہوئیں۔

واضح رہے کہ دولت مشترکہ ممالک کی قیادت ہر دو سال بعد دولت مشترکہ سربراہان کے اجلاس میں ملتی ہے اور مختلف ممالک اس کی میزبانی کرتے ہیں۔

دولت مشترکہ کے سربراہان حکومت کے 1971 سے تاحال 25 اجلاس ہو چکے ہیں، روانڈا سے قبل 2018 میں برطانیہ میں یہ اجلاس منعقعد ہوا تھا۔

مشہور خبریں۔

چپ کی مدد سے معذور انسان کمپیوٹر ماؤس چلانے میں کامیاب ہوگیا، ایلون مسک

?️ 26 فروری 2024سچ خبریں: ایلون مسک نے دعویٰ کیا ہے کہ جس معذور انسان

پبلک اکاؤنٹس کمیٹی کا فوجی حکام کے ڈیٹا لیک کی تحقیقات کا حکم

?️ 7 جولائی 2023اسلام آباد:(سچ خبریں) پبلک اکاؤنٹس کمیٹی (پی اے سی) نے نادرا سے

حزب اللہ: امریکہ اور اسرائیل کا ہدف شام کو تقسیم کرنا ہے

?️ 21 جولائی 2025سچ خبریں: حزب اللہ کے سینئر نمائندے حسین الحاج حسن نے خطے

غزہ میں بھوک کے ہتھیار سے سست موت؛ ریت کھانے والے بچوں کا المیہ

?️ 23 جولائی 2025سچ خبریں: جیسے جیسے صیہونی ریگیم کی تباہ کن جنگ غزہ کی پٹی

محکمہ صحت کی ناقص حکمت عملی ڈینگی پھیلنے کی اصلی وجہ

?️ 9 اکتوبر 2021لاہور (سچ خبریں) کورونا کی وجہ سے دو سالوں سے ڈینگی پر

روس میں بشار اسد کے قتل کی ناکام کوشش:برطانوی اخبار کا دعویٰ

?️ 3 جنوری 2025سچ خبریں:برطانوی اخبار نے دعویٰ کیا ہے کہ روس میں شام کے

فیس بک کے نئے فیچرز کون سے ہیں؟ جانئے اس رپورٹ میں

?️ 22 جون 2021نیویارک( سچ خبریں)سماجی رابطے کی مقبول ترین ویب سائٹ فیس بک نےکچھ

انفینکس نے سولر پینل فون کا ماڈیول پیش کردیا

?️ 7 مارچ 2025سچ خبریں: اسمارٹ فون بنانے والی چینی کمپنی انفینکس نے موبائل ٹیکنالوجی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے