دشنبے(سچ خبریں) تفصیلات کے مطابق وزیراعظم عمران خان نے مقبوضہ کشمیر پر ایران سپریم لیڈر کی مسلسل حمایت کا شکریہ ادا کیا ہے شنگھائی تعاون تنظیم کے سربراہی اجلاس کی سائیڈ لائن پر وزیراعظم عمران خان اور ایرانی صدر ابراہی رئیسی کے درمیان اہم ملاقات ہوئی، ملاقات کا اعلامیہ جاری کردیا گیا ہے۔
ملاقات میں وزیراعظم عمران خان کی ایران کےصدر کو دورہ پاکستان کی دعوت دی جبکہ ایران کےصدر نےوزیراعظم عمران خان کو دورہ ایران کی دعوت دی۔اعلامیے کے مطابق ملاقات میں دونوں رہنماؤں نے دوطرفہ تعلقات ، علاقائی اور بین الاقوامی امور پر تبادلہ خیال کیا اور پاک ایران برادرانہ تعلقات کو مضبوط اور وسعت دینےکےعزم کا اعادہ کیا، وزیراعظم عمران خان نے تجارت، اقتصادی وعلاقائی روابط پر زور دیا۔
ملاقات میں وزیراعظم پاکستان نے حالیہ صدارتی انتخابات میں کامیابی پر ایرانی صدر کو مبارکباد دیتے ہوئے مقبوضہ کشمیر پر ایران سپریم لیڈر کی مسلسل حمایت کا شکریہ ادا کیا۔اعلامیہ کے مطابق وزیراعظم نے ایرانی صدر سے ملاقات کے دوران مقبوضہ کشمیر میں انسانی حقوق کی سنگین صورتحال پر گفتگو کی، وزیراعظم کا کہنا تھا کہ ایران کا مؤقف کشمیریوں کی حق خودارادیت جدوجہدکی طاقت کاذریعہ ہے۔
دونوں رہنماؤں نے ملاقات میں افغانستان صورت حال پر تفصیلی گفتگو کی ، ملاقات میں وزیراعظم نے پرامن،مستحکم اورخوشحال افغانستان کی اہمیت پر زور دیتے ہوئے کہا کہ چالیس سال بعدافغانستان میں تنازعات،جنگ کےخاتمے کاموقع ہے، وزیراعظم نےمثبت تعمیری عملی اقدامات اورعالمی برادری کےکردارپربھی زور دیا۔