جنگلات ہمارے ماحول، معیشت اور شہریوں کیلئے لائف لائن ہے۔ مریم نواز

?️ 21 مارچ 2026

لاہور (سچ خبریں) وزیراعلیٰ پنجاب مریم نوازشریف نے جنگلات کے عالمی دن پر پیغام جاری کر دیا۔

اپنے پیغام میں مریم نواز شریف نے کہا کہ جنگلات ماحول، معیشت اور شہریوں کے لئے لائف لائن ہے، عوام سے اپیل ہے کہ درخت ضرور لگائیں، چاہے اس کے سائے میں بیٹھنے کی توقع ہونہ ہو، بچے اپنے والدین اور اساتذہ کرام کے نام پر درخت لگائیں۔

مریم نواز شریف نے کہا کہ حکومت ماحولیاتی آلودگی ختم کرنے اور نئی نسل کو صاف ستھرا ماحولیاتی نظام دینے کیلئے پُرعزم ہے، موسمیاتی تبدیلی کے اثرات سے نمٹنے کیلئے شجرکاری ناگزیر ہے۔

وزیراعلیٰ پنجاب نے کہا کہ درخت لگائیں اور سموگ کے اندھیرے ہمیشہ کے لئے مٹائیں، جنگلات اور جنگلی حیات کی حفاظت کے لئے تھرمل سینسرکی مدد لی جارہی ہے۔

مریم نواز شریف نے مزید کہا کہ جنگلات کی حدود کے تعین کے لئے کمپارٹمنٹ لیول فارسٹ میپنگ کی جارہی ہے۔

وزیراعلیٰ نے کہا کہ جنگلا ت میں لگنے والی آگ کے بروقت سدباب اور ڈی ٹیکشن انٹیلی جنس سسٹم فعال کیا گیا، جنگلات سے متعلق ہنگامی صورتحال کے لئے خصوصی ہیلپ لائن 1084 بھی قائم کر دی گئی ہے۔