شہباز شریف کی سپیکر قومی اسمبلی، گورنرز، وزراء اعلی کو عیدالفطر کی مبارکباد

?️ 21 مارچ 2026

اسلام آباد (سچ خبریں) وزیرِ اعظم محمد شہباز شریف نے عید الفطر کے موقع پر سپیکر قومی اسمبلی، گورنرز، وزراء اعلیٰ اور سیاسی قائدین سے ٹیلی فونک گفتگو کی اور عید الفطر کی مبارکباد دی۔

وزیرِ اعظم شہباز شریف نے سپیکر قومی اسمبلی سردار ایاز صادق سے ٹیلی فونک رابطہ کیا اور عید الفطر کی مبارکباد دی۔ وزیرِ اعظم نے گورنر پنجاب سردار سلیم حیدر خان، گورنر سندھ نہال ہاشمی، گورنر خیبر پختونخوا فیصل کریم کنڈی اور گورنر بلوچستان شیخ جعفر خان مندوخیل سے بھی عید کی مبارکباد کیلئے ٹیلی فونک رابطہ کیا۔

شہباز شریف نے وزیرِ اعلیٰ پنجاب مریم نواز شریف اور وزیرِ اعلیٰ سندھ سید مراد علی شاہ سے بھی ٹیلی فونک رابطہ کر کے عید الفطر کی مبارکباد دی۔ وزیرِ اعظم نے اتحادی جماعتوں اور سیاسی جماعتوں کے قائدین سے بھی ٹیلی فونک گفتگو کی۔

شہباز شریف نے سربراہ جے یو آئی مولانا فضل الرحمان، چیئرمین ایم کیو ایم پاکستان خالد مقبول صدیقی، عوامی نیشنل پارٹی کے صدر ایمل ولی خان سے ٹیلیفونک رابطہ کیا۔

وزیراعظم نے صدر بلوچستان عوامی پارٹی سردار خالد حسین مگسی، صدر استحکام پاکستان پارٹی عبدالعلیم خان اور سینئر رہنما پاکستان مسلم لیگ ق چوہدری سالک حسین سے بھی ٹیلی فونک گفتگو کی۔

وزیرِ اعظم شہباز شریف نے سیاسی قائدین و رہنماؤں کو عید الفطر کی مبارکباد دی اور نیک خواہشات کا اظہار کیا۔