تحریک عدم اعتماد عالمی طاقتوں کو ایبسولوٹلی ناٹ کہنے کا نتیجہ ہے:شہباز گل

?️ 24 مارچ 2022

اسلام آباد(سچ خبریں)جمعرات کو سپریم کورٹ کے باہر صحافیوں سے گفتگو کرتے ہوئے شہباز گل نے کہا کہ امریکہ کو اڈے دینے پر وزیراعظم  نے ’ایبسولوٹلی ناٹ‘ کہا تھا۔

وزیراعظم کے معاون خصوصی برائے سیاسی امور ڈاکٹر شہباز گل نے کہا ہے کہ عمران خان کے خلاف جو فضا بن گئی ہے وہ ان کی جانب سے عالمی طاقتوں کو ’ایبسولوٹلی ناٹ‘ یعنی ’قطعاً نہیں‘ کہنے کا نتیجہ ہے۔شہباز گل نے کہا ’جب وزیراعظم سے پوچھا گیا کہ امریکہ کو اڈے دیں گے یا نہیں، تو انہوں نے کہا ایبسولوٹلی ناٹ۔ان کا کہنا تھا کہ مسلم دنیا سے جب بھی کوئی آزاد قیادت کھڑی ہوئی ہے اس کے ساتھ کیا کیا گیا، وہ سب کو پتہ ہے۔

شہباز گل کے بقول ’16 جون کو جب عمران خان نے ایبسولوٹلی ناٹ کہا تھا اسی دن لکھا گیا تھا کہ اس کی قیمت ادا کرنا پڑے گی۔شہباز گل کا کہنا تھا کہ عمران خان نے خودداری کے ساتھ ایبسولوٹلی ناٹ یعنی قطعاً نہیں کہا تھا۔

انہوں نے فواد چوہدری کی طرف اشارہ کرتے ہوئے کہا کہ ان کی وزارعت نے 23 مارچ کو شاندار ترانہ دکھایا ’ہم مصطفوی ہیں۔‘

’اس میں آپ نے وہ تمام کلپ دیکھے، جس میں کسی نے ایبسولوٹلی ناٹ یا اس کے قریب ترین کوئی بات کہی تھی اس کا کیا حشر ہوا۔‘

شہباز گل نے بلاول بھٹو کے بیان کا حوالہ دیتے ہوئے کہا کہ کل انہوں نے خود کہہ دیا کہ وہ پی ڈی ایم کا نہیں بلکہ لارجر اپوزیشن الائنس کا حصہ ہیں، جس سے سب کو کریک نظر آ گیا۔

شہباز شریف کے مطابق ’پی ڈی ایم ہو یا لارجر اپوزیشن، ان کے پاس ایسا کوئی بندہ نہیں ہے جو عمران خان پر حملہ کر سکے۔‘

شہباز شریف نے کسی کا نام لیے بغیر منحرف ارکان کو چوہے قرار دیتے ہوئے کہا کہ ایسے لوگوں کو ٹکٹ دینے کا فیصلہ غلط تھا۔

ان کے مطابق ’یہ لوگ جب تحریک انصاف کے ٹکٹ کے بغیر کھڑے ہوئے تھے تو انہیں کونسلر کا الیکشن جیتنے کے لیے ووٹ بھی نہیں ملے تھے۔