بھارت کی جمہوریت پر سوالیہ نشان

🗓️ 5 اگست 2024

سچ خبریں: وزیر خارجہ اسحاق ڈار نے کہا ہے کہ اگر بھارت خود کو جمہوری سمجھتا ہے تو فوری طور پر کشمیر میں رائے شماری کروائے۔

یوم استحصال کشمیر کے موقع پر وزارت خارجہ کے زیر اہتمام ڈی چوک پر ایک ریلی منعقد کی گئی جس میں ڈپٹی وزیراعظم اسحاق ڈار نے شرکت کی۔

یہ بھی پڑھیں: مقبوضہ کشمیر میں بھارتی پارلیمانی انتخابات ہر گز مسئلہ کشمیر کا حل نہیں ہوسکتے : علی رضا سید

اپنے خطاب کے دوران انہوں نے کہا کہ بھارت کا 5 اگست کا اقدام اقوام متحدہ کی قراردادوں کے خلاف ہے اور مقبوضہ کشمیر کی خصوصی حیثیت ختم کرنا بھارت کی خام خیالی ہے۔

انہوں نے کہا کہ پاکستان کا کشمیریوں کے ساتھ جغرافیائی اور بھائی چارے کا گہرا تعلق ہے۔

اسحاق ڈار نے کہا کہ وزیراعظم شہباز شریف کی قیادت میں پاکستان عالمی سطح پر کشمیر کا مقدمہ لڑ رہا ہے، اور اگر بھارت واقعی جمہوری ہے تو فوری طور پر کشمیر میں رائے شماری کا اعلان کرے۔

انہوں نے مزید کہا کہ بھارت نے کشمیر کا نقشہ بدلنے کی کوشش کی ہے اور مسلمانوں کی اکثریت کو اقلیت میں تبدیل کرنا چاہتا ہے۔

مزید پڑھیں: بھارتی فوج مقبوضہ جموں وکشمیرمیں آر ایس ایس کے ہندوتوا ایجنڈے کو آگے بڑھارہی ہے

اسحاق ڈار نے کہا کہ ہم بھارت کے ان ناپاک عزائم کو کامیاب نہیں ہونے دیں گے اور کشمیر کی آزادی کے لئے دعا گو ہیں۔