بھارت کا غرور خاک میں مل گیا، کشمیر، پاکستان یک جان ہیں۔ حافظ نعیم

?️ 16 مئی 2025

مظفرآباد (سچ خبریں) امیر جماعت اسلامی بھارت کا غرور خاک میں مل گیا، کشمیر اور پاکستان یک جان ہیں۔

تفصیلات کے مطابق یوم تشکر منانے کے لیے حافظ نعیم الرحمان آزاد کشمیر کنڑول لائن پر پہنچ گئے، کشمیریوں کے ساتھ مل کر کنٹرول لائن عباس پور پر یوم تشکر منایا، اُن کا آزاد کشمیر میں جگہ جگہ والہانہ استقبال کیا گیا اور پاکستان زندہ آباد کے نعرے لگائے گئے۔

ذرائع کے مطابق اس موقع پر گفتگو کرتے ہوئے انہوں نے کہا کہ اللہ کا شکر ہے کہ بھارت کا غرور خاک میں مل گیا، پاکستان کو فتح ملی، کشمیر اور پاکستان یک جان ہیں، کشمیر پاکستان کی شہ رگ ہے۔

امیر جماعت اسلامی کا کہنا تھا کہ حکومت پاکستان کنٹرول لائن پر بسنے والوں کی حفاظت یقینی بنائے ، قوم متحد ہے، حکومت سے امید ہے کشمیر کا مسئلہ حل کرائے گی ، مسئلہ کشمیر کا حل اقوام متحدہ کی قراردادوں کے مطابق ہونا چاہیے۔

حافظ نعیم الرحمان کا مزید کہنا تھا کہ حکمرانوں پر نظر رکھی جائے، کشمیر پر حق خوداردیت کے علاوہ کوئی سمجھوتہ قبول نہیں۔